Martiño Rivas

Martiño Rivas
	;
Biografía
Nacemento	10 de xaneiro de 1985 (39 anos); Vimianzo, España
Educación	Santiago de Compostela
Actividade
Ocupación	actor, modelo, actor de televisión
Período de actividade	1998 -
Familia
Pai	Manuel Rivas
Irmáns	Sol Mariño

Martiño Rivas López, nado en Vimianzo o 10 de xaneiro de 1985,^[1] é un actor galego, coñecido artisticamente noutrora como Martín Rivas^[2]. Interpretou a Marcos Novoa Pazos na serie de televisión de Antena 3 El internado e o seu papel no filme Os xirasoles cegos valeulle un nomeamento ó Premio Goya ao mellor actor revelación.

Traxectoria

Comezou a súa carreira como actor sendo un neno, na serie da TVG Mareas vivas. Traballou nela de 1998 a 2000, nas temporadas primeira a terceira. En 2004 participou na rodaxe da curtametraxe Puzle, de 24 minutos de duración. En 2005 tivo tamén un papel secundario, como David, nas dúas temporadas de Maridos e mulleres, de Zénit Televisión para TVG. Das teleseries de ámbito autonómico pasou a traballar en series estatais como SMS, na cal sae en cinco episodios. Dende 2007 a 2010, fixo o papel de Marcos Novoa Pazos na serie El Internado de Antena 3. No 2008, fixo a súa primeira aparición no cine, no filme de José Luis Cuerda Os xirasoles cegos xunto a Javier Cámara e Maribel Verdú. A súa interpretación valeulle un nomeamento ó Premio Goya ao mellor actor revelación. O ano seguinte, aparece na curtametraxe Universos xunto coa súa compañeira de El Internado Blanca Suárez. No 2011 fai o seu debut no teatro coa obra Drácula, na que interpreta a Jonathan Harker.

Vida persoal

Fillo do escritor Manolo Rivas e de María Isabel López. Rivas graduouse nun instituto de Londres e posteriormente estudou comunicación audiovisual na Universidade de Santiago de Compostela.^[3] Ademais do galego e o castelán, fala fluidamente o inglés.^[4]

Mantivo unha relación coa actriz Irene Escolar^[5].

En 2017 comezou unha relación con Kayoko Everhart, modelo e bailarina de orixe afroxaponesa da Compañía Nacional de Danza coa que tivo unha filla. ^[6]

Desde 2020 mantén unha relación coa modelo francesa Lily Fofana, é filla do exfutbolista marfileño Youssouf Falikou Fofana e a ex do YouTuber Sneako co que rompeu en 2020.

Martiño decidiu castelanizar o seu nome por Martín porque non o entendían en Madrid.^[2]

Filmografía

Filmes
Ano	Título	Papel	Notas
2008	Os xirasoles cegos	Lalo	Drama dirixido por José Luis Cuerda
2013	Gente en sitios	Martiño	Comedia dirixida por Juan Cavestany
2013	Tres bodas de más	Dani	Comedia romántica dirixida por Javier Ruiz Caldera
2014	Por un puñado de besos	Dani	Drama romántico dirixido por David Menkes

Televisión
Ano	Título	Papel	Notas
1998-2000	Mareas vivas	Dani	22 episodios
2006-2007	SMS	Moisés	5 episodios
2006-2008	Maridos e mulleres	David	21 episodios
2007-2010	El internado	Marcos Novoa Pazos	71 episodios
2012-2013	El don de Alba	Pablo Escudero	13 episodios
2014	Romeo and Juliet	Romeo	Miniserie
2016	Web Therapy	Mario González	2 episodios
2017	Sé quien eres	Marc Castro	16 episodios
2017-2020	Las chicas del cable	Carlos Cifuentes	37 episodios
2022	Fuerza de paz	Ignacio Moreno
2023	Nacho Vidal, una industria XXL	Nacho Vidal

Curtametraxes

Puzzle (2004). Curtametraxe gravada en Santiago de Compostela.
Atopeite (2006). Dirixida por Susana Pérez.
Universos (2009). Dirixida por José Corbacho e Juan Cruz. Como Álex.

Obras de teatro

Drácula (2007) de Bram Stoker. Dirixida por Eduardo Bazo e Jorge de Juan e protagonizada por Emilio Gutiérrez Caba e Ramón Langa, entre outros. Como Jonathan Harker.
La Monja Alférez (2013) de Domingo Miras. Dirixida por Juan Carlos Rubio. Centro Dramático Nacional.
Cuestión de altura (2014) de Sandra García Nieto. Dirixida por Rubén Cano. Como Rubén. Teatro Español
Jauría (2019-2021) de Jordi Casanovas. Dirixida por Miguel del Arco. Como Antonio Guerrero. Teatro Kamikaze y Gira.

Premios e nomeamentos

Premios Goya


Ano	Categoría	Filme	Resultado
2008	Mellor actor revelación	Os xirasoles cegos	Nomeado

Festival de cine e telivisión Islantilla


Ano	Categoría	Filme	Resultado
2009	Camaleón de honra (premio revelación)	El internado	Gañador

Premios Vieira de Prata


Ano	Categoría	Filme	Resultado
2008	Mellor actor revelación	El internado	Gañador

Premios EP3


Ano	Categoría	Filme	Resultado
2008	Mellor actor revelación	Os xirasoles cegos	Gañador

Notas

↑ "Martín Rivas en… ¡Algo se mueve!". Arquivado dende o orixinal o 23 de xaneiro de 2014. Consultado o 18 de xaneiro de 2014.
↑ ^2,0 ^2,1 Martín Rivas nació en un café.
↑ "Martín Rivas, el más guapo de ‘El Internado’". www.seriesblog.es (en castelán). 3 de setembro de 2012. Arquivado dende o orixinal o 07 de setembro de 2012. Consultado o 3 de outubro de 2012.
↑ Pontevedra, Silvia (16 de xuño de 2007). "Martín Rivas nació en un café". El País (en castelán). Consultado o 3 de outubro de 2012.
↑ http://www.poprosa.com/2008/04/25-martin-rivas-y-su-nueva-novia
↑ "La foto de Martiño Rivas con su hija de dos años". Antena 3. Consultado o 18/07/2022.

Véxase tamén

Ligazóns externas

[1] "Martín Rivas en… ¡Algo se mueve!". Arquivado dende o orixinal o 23 de xaneiro de 2014. Consultado o 18 de xaneiro de 2014.

[elpaís-2] 2,0 ^2,1 Martín Rivas nació en un café.

[seriesblog-3] "Martín Rivas, el más guapo de ‘El Internado’". www.seriesblog.es (en castelán). 3 de setembro de 2012. Arquivado dende o orixinal o 07 de setembro de 2012. Consultado o 3 de outubro de 2012.

[pais-4] Pontevedra, Silvia (16 de xuño de 2007). "Martín Rivas nació en un café". El País (en castelán). Consultado o 3 de outubro de 2012.

[5] ttp://www.poprosa.com/2008/04/25-martin-rivas-y-su-nueva-novia

[6] "La foto de Martiño Rivas con su hija de dos años". Antena 3. Consultado o 18/07/2022.

[1]

[2]

[3]

[4]

[5]

[6]

Biografía

Nacemento	10 de xaneiro de 1985 (39 anos) Vimianzo, España
Educación	Santiago de Compostela
Actividade
Ocupación	actor, modelo, actor de televisión
Período de actividade	1998 -
Familia
Pai	Manuel Rivas
Irmáns	Sol Mariño