Mariano Fernández Bermejo

político español

Mariano Fernández Bermejo, nado en Arenas de San Pedro (Ávila), o 10 de febreiro de 1948, é un fiscal e político español.

Mariano Fernández Bermejo
Mariano Fernández Bermejo en rueda de prensa.jpg
Nacemento10 de febreiro de 1948
Lugar de nacementoArenas de San Pedro
NacionalidadeEspaña
Alma máterUniversidade Complutense de Madrid
Ocupaciónpolítico, xurista e avogado
PremiosGran Cruz da Orden de Carlos lll e Gran Cruz da Orde de San Raimundo de Peñafort
editar datos en Wikidata ]

TraxectoriaEditar

Licenciouse en Dereito pola Universidade Complutense de Madrid en novembro de 1969. Ingresou na carreira fiscal en marzo de 1974. A seguir foi avogado fiscal da Audiencia provincial de Santa Cruz de Tenerife entre abril dese ano e decembro de 1976, e despois foi destinado no mesmo posto á audiencia de Cáceres (ata outubro de 1981). Nesa época consegue unha praza de profesor auxiliar interino de Dereito Penal na Universidade de Estremadura (1977-1980, e posteriormente na UNED durante un curso. En 1981 ascende a tenente fiscal e destínano á audiencia provincial de Segovia, posto que ocupará ata que en decembro de 1984 sexa nomeado fiscal xefe nesa mesma audiencia.

Entre 1986 e 1989 ten a súa primeira experiencia política, ao traballar como asesor do ministro de Xustiza, primeiro con Fernando Ledesma e despois con Fernando Múgica. Durante esta etapa participa nos estudos que precederon á reforma da lexislación sobre menores, Código civil incluído, así coma na elaboración e seguimento parlamentario do Proxecto de Reforma da Lei de Axuizamento Criminal e na elaboración do Proxecto de Decreto regulador da Policía Xudicial.

Dimitiu en 1989 para ocupar o cargo de fiscal do Tribunal Supremo. Desde xullo de 1992 a xullo de 2003 ocupa o cargo de fiscal xefe do Tribunal Superior de Xustiza da Comunidade de Madrid. Nesa data é substituído e pasa a desempeñar o posto de fiscal na sección de contencioso administrativo da Fiscalía de Madrid. Desde xullo de 2004 a febreiro de 2007 ocupa o cargo de fiscal xefe de sala da sección de contencioso administrativo do Tribunal Supremo. O 12 de febreiro de 2007 regresa á política ao ser designado por José Luis Rodríguez Zapatero como ministro de Xustiza.

En febreiro de 2009 o xuíz Baltasar Garzón inicia unha operación xudicial contra delitos de corrupción onde se vén implicados políticos do Partido Popular e fíltrase á prensa que neses días Baltasar Garzón fora de cacería a Xaén con Fernández Bermejo. Nos días seguintes coñécese o custo da cacería e que o ministro carecía de permiso de caza na comunidade autónoma de Andalucía, e o 23 de febreiro presenta a súa dimisión.

É membro cofundador da Unión Progresista de Fiscais (UPF)

Premios e condecoraciónsEditar

  • Cruz de Honra de San Raimundo de Peñafort.
  • Cruz de Prata ó Mérito da Garda Civil.
  • Medalla ó Mérito Policial, con distintivo branco.

Vida persoalEditar

Nos anos 60 era o baixista do grupo Los Cirros[1].

NotasEditar


Predecesor:
Juan Fernando López Aguilar
  
Ministro de Xustiza de España
 
2007 - 2009
Sucesor:
Francisco Caamaño