María Corredoira

María Corredoira
	;
Biografía
Nacemento	(es) María del Carmen Corredoira Ruiz de Baro ; 18 de maio de 1893 ; A Coruña, España
Morte	17 de novembro de 1970 (77 anos)
Actividade
Ocupación	pintora
Membro de	Real Academia Galega de Belas Artes

María Carmen Corredoira Ruiz de Baro, nada na Coruña o 18 de maio de 1893 e finada o 17 de novembro de 1970,^[1] foi unha pintora galega.

Traxectoria

Filla de Alfredo Corredoira e da ferrolá Ángela Ruiz de Baro, naceu na Travesa de Santo André. A súa vida transcorreu na cidade herculina, onde traballou nunha pintura de afiliación realista, aínda que dotada de evidente espiritualidade.

Iniciou a súa formación na Coruña baixo a dirección de Enrique Saborit^[2]^[3] e posteriormente ampliouna en Madrid, con mestres como Eduardo Chicharro e José María López Mezquita. A súa obra mereceu distincións como a medalla de ouro na Exposición Rexional de Santiago en 1926. Foi membro numerario da Real Academia Galega de Belas Artes. En 1928 ingresou no Seminario de Estudos Galegos.^[1]

Tumba de María Corredoira no cemiterio de Santo Amaro da Coruña

Non foron moitas as súas exposicións, aínda que os coleccionistas buscan esta pintura verdadeira, íntima, de excelente calidade formal, cun debuxo firme e unha paleta rica e sabia. Está representada nos museos de Galiza, como o Museo Municipal Quiñones de León de Vigo ou o Museo Provincial de Lugo.

Notas

↑ ^1,0 ^1,1 Marco, Aurora. (2020). Irmandiñas. Santiago de Compostela, Galiza, U.E.: Edicións Laiovento. ISBN 978-84-8487-466-9. OCLC 1190653388.
↑ "María del Carmen Corredoira y Ruiz de Baro". dbe.rah.es. Consultado o 2020-12-30.
↑ "María Corredoyra". La Voz de Galicia (en castelán). 2004-06-03. Consultado o 2020-12-30.

Véxase tamén

Bibliografía

Carballo Calero, Mª Victoria: Catálogo de pintura do Museo Provincial de Lugo. Lugo, 1969.
Diego; Sobrino; Sarmiento (1995). A arte inexistente: as artistas galegas do século XX (PDF). Auditorio de Galicia. Arquivado dende o orixinal (PDF) o 01 de setembro de 2014. Consultado o 24 de xullo de 2018.
Ilarri Gimeno, Ángel: Catálogo do Pazo Museo «Quiñones de León». Vigo, Concello, 1978.
Pablos, Francisco: Plástica galega. Vigo, Caixavigo, 1981.
Gran Enciclopedia Galega, Vol. 7. Xixón, S. Cañada, edit., 1974.

Ligazóns externas

Villaverde, María Dolores (2009). "María Corredoira". Álbum de Galicia do Consello da Cultura Galega.
María Corredoira na Colección Afundación.
María Corredoira en A Coruña das Mulleres

[:0-1] 1,0 ^1,1 Marco, Aurora. (2020). Irmandiñas. Santiago de Compostela, Galiza, U.E.: Edicións Laiovento. ISBN 978-84-8487-466-9. OCLC 1190653388.

[2] "María del Carmen Corredoira y Ruiz de Baro". dbe.rah.es. Consultado o 2020-12-30.

[3] "María Corredoyra". La Voz de Galicia (en castelán). 2004-06-03. Consultado o 2020-12-30.

[1]

[2]

[3]