Manuel Rey Busto
Manuel Rey Busto, nado en Santiago de Compostela en 1902 e finado en Lugo o 25 de febreiro de 1985, foi un médico e político galego.
  | |
| Biografía | |
|---|---|
| Nacemento | 1902 Santiago de Compostela, España |
| Morte | 25 de febreiro de 1985 (82/83 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | médico , político |
| Lingua | Lingua castelá e lingua galega |
Traxectoria editar
Fillo de Francisco Rey Villanueva e Adelaida Busto e sobriño de Gumersindo Busto. Sendo estudante de Medicina promoveu a creación da Residencia de Estudantes,[1] e foi presidente da Unión de Estudiantes compostelanos en 1927,[2] dimitindo do cargo en xaneiro do ano seguinte.[3] Foi presidente do Club Deportivo Rápido.[4] Colaborou en El Compostelano, El Eco de Santiago e Eco de Galicia. Licenciado en Medicina en 1934, foi axudante de clases prácticas na Facultade de Medicina. Na Segunda República militou no Partido Republicano Radical Socialista, do que foi elixido vogal da executiva local de Santiago de Compostela presidida por Xesús San Luís Romero en setembro de 1931,[5] e despois en Unión Republicana, da que foi nomeado presidente en Santiago o 9 de xullo de 1936,[6] con Rafael Frade Peña como secretario xeral. Co golpe de Estado do 18 de xullo de 1936 foi cesado en agosto e depurado co resultado de inhabilitación absoluta para todas as universidades españolas. No franquismo integróuse no Corpo de médicos da Asistencia Publica Domiciliaria e abreu un consultorio na rúa do Vilar de Santiago de Compostela, e inaugurou unha consulta gratuíta para pobres en 1939.[7] En 1944 foi nomeado médico municipal de Lourenzá.[8] Logo da morte do guerrilleiro Luís Trigo Chao en 1948 foi procesado.[9] Despois foi médico de Santiso de Abres e Riotorto. Pasou os seus últimos anos en Ribadeo e finou en Lugo o 25 de febreiro de 1985.[10]
Vida persoal editar
Casou en Santiago de Compostela con María Aenlle García en xaneiro de 1941.[11] María finou en maio do ano seguinte,[12] e Manuel volveu casar en Ribadeo coa farmacéutica Generosa de la Barrera Rodríguez nos anos corenta e foi pai de Manuel e Adelaida Rey de la Barrera.
Notas editar
- ↑ La Voz de Galicia, 25-2-1927, p. 4.
- ↑ El Compostelano, 23-12-1927, p. 2.
- ↑ El Eco de Santiago, 9-1-1928, p. 2.
- ↑ El Eco de Santiago, 14-9-1928, p. 2.
- ↑ El Eco de Santiago, 1-9-1931, p. 2.
- ↑ "El Eco de Santiago : diario independiente: Ano XL Número 16502 - 1936 xullo 10".
- ↑ El Compostelano, 27-2-1939, p. 2.
- ↑ El Correo Gallego, 2-6-1944, p. 2.
- ↑ Homenaxe da Mariña ao guerrilleiro O Gardarríos
- ↑ La Voz de Galicia, 26-2-1985, p. 53.
- ↑ El Correo Gallego, 7-1-1941, p. 2.
- ↑ El Compostelano, 18-5-1942, p. 2, 3.
Véxase tamén editar
Bibliografía editar
- Gurriarán, R. (2006). Ciencia e conciencia na Universidade de Santiago (1900-1940): do influxo institucionista e a JAE á depuración do profesorado. USC. ISBN 84-9750-644-8.
- Lamela García, Luis (2005). 1936, la 'Cruzada' en Compostela. La guerra civil y la represión franquista en los documentos policiales y militares. Sada: Do Castro. p. 274. ISBN 84-8485-186-9.
Ligazóns externas editar
- Manuel Rey Busto na páxina web Nomes e Voces.
- Fotografía en Riotorto