Manuel Crestar

debuxante galego

Manuel Crestar Díaz, nado en Betanzos o 21 de decembro de 1900, foi un debuxante galego.

Manuel Crestar
Nacemento21 de decembro de 1900
Lugar de nacementoBetanzos
Falecementoséculo XX
NacionalidadeEspaña
Ocupacióndebuxante
IrmánsLuisa Crestar
editar datos en Wikidata ]

Traxectoria editar

Estivo emigrado uns anos en Cuba. Pertenceu á Irmandade da Fala de Betanzos. Realizou a súa primeira exposición na Coruña en 1921. Durante a Segunda República simpatizou coas correntes progresistas da cultura e coas ideas libertarias; frecuentou na capital coruñesa o parladoiro de Luís Huici, xunto con Luís Seoane, Francisco Miguel, Xenaro Ruano, Álvaro Cebreiro e José Villaverde. Pasou a Guerra Civil en Madrid onde colaborou no periódico Galicia Libre, voceiro da Agrupación de Gallegos Libertarios. Trasladouse a Valencia en 1938, pertenceu á directiva da Agrupación de Gallegos Libertarios. Publicou os seus gravados e caricaturas en Galicia, Alfar, El Pueblo Gallego, Galicia Gráfica e Céltiga. Pasou a Francia en 1939 e alí se perde a súa pista.

Véxase tamén editar

Bibliografía editar

Outros artigos editar

Ligazóns externas editar