Manuel Candal
Manuel Candal Candal, nado en Ordes en 1935 e finado en Vilamartín de Valdeorras o 11 de novembro de 2009, foi un empresario e político galego.
| Biografía | |
|---|---|
| Nacemento | 1935  Ordes, España |
| Morte | 11 de novembro de 2009 (73/74 anos) Vilamartín de Valdeorras, España |
 Alcalde de Vilamartín de Valdeorras | |
| 1972 – 26 de novembro de 2008 (dimisión) – María Jesusa Candal Jarrín → | |
| Actividade | |
| Ocupación | político |
| Familia | |
| Fillos | María Jesusa Candal Jarrín |
Traxectoria
editarRexentaba unha empresa en Vilamartín de Valdeorras. Foi nomeado alcalde deste concello en xuño de 1972 polo gobernador civil.[1][2] Nas primeiras eleccións democráticas presentouse encabezando a lista de UCD e foi elixido alcalde con maioría absoluta. Nas municipais de 1983 encabezou a candidatura de Coalición Galega obtendo de novo a maioría absoluta. Nas municipais de 1987 presentouse por Alianza Popular e volveu revalidar a alcaldía con maioría absoluta. Á fronte do PPdeG revalidou novamente a alcaldía con maioría absoluta nas seguintes eleccións de 1991, 1995, 1999, 2003 e 2007. Foi presidente da Fundación Valdegodos, unha entidade privada destinada á construción e xestión de asilos de anciáns.
Logo de perder o apoio dalgúns dos seus concelleiros, entre eles a súa filla, María Jesusa Candal, o 26 de novembro de 2008 presentou a dimisión alegando motivos de saúde.[3] Posteriormente o fiscal de Ourense acusouno dun delito de prevaricación urbanística por unhas licenzas de obra que asinara pouco antes da súa dimisión.[4]
| Predecesor: José Maceda López |
Alcalde de Vilamartín de Valdeorras 1972 - 2008 |
Sucesor: María Jesusa Candal |
Vida persoal
editarFaleceu un ano despois de abandonar a alcaldía, vítima dun infarto. A corporación municipal encabezada pola súa filla, nomeouno "alcalde de honra" e fillo adoptivo de Vilamartín.[5]
Notas
editar- ↑ La Región, 14-6-1972, p. 11.
- ↑ Entrevista en La Región
- ↑ Manuel Candal Candal abandona la Alcaldía de Vilamartín tras 36 años en el cargo
- ↑ Fallece Manuel Candal, que fue alcalde de Vilamartín durante 36 años Noticia en La Voz de Galicia (en castelán)
- ↑ "El pleno designa a Manuel Candal hijo predilecto de Vilamartín", La Región, 6/3/2010.