Manuel Canabal Fiestra
Manuel Canabal Fiestra, nado en Nercellas (Forcarei) o 10 de novembro de 1974, é un exfutbolista galego. Xogaba de dianteiro.
| Manuel Canabal | |||
|---|---|---|---|
| Información persoal | |||
| Nome | Manuel Canabal Fiestra | ||
| Nacemento | 10 de novembro de 1974 (49 anos) | ||
| Lugar de nacemento | Nercellas | ||
| Posición | Dianteiro | ||
| Carreira sénior | |||
| Anos | Equipos | Aprs | (Gls) |
| 1995–1996 | Leganés | 1 | (0) |
| 1996–1997 | Mérida | 36 | (10) |
| 1997–1998 | Real Madrid | 0 | (0) |
| 1997–1998 | → Valladolid (cedido) | 15 | (1) |
| 1998–1999 | Alavés | 30 | (5) |
| 1999–2000 | Rayo Vallecano | 33 | (11) |
| 2000–2004 | Málaga | 95 | (11) |
| 2004–2005 | Pontevedra | 23 | (2) |
|
Partidos e goles só en liga doméstica. [ editar datos en Wikidata ] | |||
Traxectoria editar
Despois de pasar polo Pontevedra CF e o CD Leganés, fichou polo CP Mérida en 1995. Esa tempada formou parte do equipo filial, debutando na primeira división en marzo de 1996 contra o Sporting de Gijón. Logo doutro ano en Mérida en segunda división, o Real Madrid fichouno por 800 millóns de pesetas. Porén, non chegou a debutar en partido oficial co equipo branco, adestrado por Jupp Heynckes. Foi cedido ao Real Valladolid, e ao ano seguinte fichou polo Deportivo Alavés.
En 1999 fichou polo Rayo Vallecano, anotando 11 goles en 33 partidos, rematando o equipo en novena posición. Xa no ano 2000 foi fichado polo Málaga CF, onde estivo catro tempadas, gañando a Copa Intertoto en 2003.
En 2004 regresa ao Pontevedra CF, retirándose ao ano seguinte por unha lesión nas costas.
Palmarés editar
- Málaga
- Copa Intertoto da UEFA: 2003