Maleagant
Maleagant, tamén coñecido como Meleagant ou Malagant, é un vilán e un personaxe recorrente nas lendas da Materia de Bretaña. Orixinalmente foi un cabaleiro da Táboa Redonda e fillo do rei Bagdemagus de Gorre, mais o seu recoñecemento vénlle por ser o cabaleiro que secuestra á raíña Xenevra. A personaxe de Maleagant suponse que ten a súa orixe en Melwas, o vilán das primeiras versións galesas, quen tamén captura a Xenevra e a leva para a súa fortaleza en Glastonbury.
| Maleagant | |
|---|---|
| Tipo | personaxe humano de ficción e personaxe lendario  |
| Obra | |
Presente na obra
| |
| Biografía | |
| Sexo | home |
| Inimigo/a | Lancelot |
| Familia | |
| Pai | Bagdemagus |
| [ Wikidata ] | |
A súa primeira aparición na literatura medieval foi no libro Lancelot, o Cabaleiro da Carreta por Chrétien de Troyes, no que se relata como leva a Xenevra para o seu castelo. A raíña é rescatada por Lanzarote do Lago e Gauvain, sendo esta a primeira aparición de Lancelot na lendas artúricas.
Porén, o papel de Maleagant diminuíu en importancia despois de que Mordred adquirise máis popularidade e tornase a ser unha das personaxes principais. Aínda así, Maleagant aparece na maioría das historias do rapto de Xenevra.