Músculo supinador curto
O músculo supinador curto é un músculo do membro superior humano pertencente ao compartimento posterior do antebrazo.
Músculo supinador | |
---|---|
Músculo supinador - visión posterior | |
Latín | musculus supinator |
Gray's | subject #125 454 |
Orixe | Epicóndilo lateral do úmero; crista do músculo supinador |
Inserción | Face posterior do radio. |
Vascularización | Arteria recorrente radial. |
Innervación | Ramo profundo do nervio radial (C V, VI) |
Accións | Supinación do antebrazo. |
Orixe e insercións editar
A orixe é dobre:
- A porción superficial ou umeral áchase no epicóndilo lateral do úmero. Hai febras de inserción no ligamento anular e no ligamento colateral radial.
- A porción fonda ten a súa orixe na crista do músculo supinador curto na superficie posterolateral do cúbito.
Ambas dúas porcións únense e cobren a superficie posterior do radio na parte superior, para despois insertárense coma un único tendón na superficie lateral do mesmo óso, por encima da inserción do músculo pronador redondo.
Función editar
Supina a man.
Innervación editar
É innervado pola póla fonda do nervio radial.