LU-133

A estrada LU-133 é unha vía da rede secundaria que conecta a N-634 en Vilamar (San Xusto de Cabarcos, Barreiros) coa N-642 en Reme (Ove, Ribadeo). Non chega ós 22 km de percorrido, e atravesa San Xusto de Cabarcos e Cabarcos (Barreiros), e Remourelle (Arante, Covelas) e Ove en Ribadeo.

LU-133
Tipoloxía	estrada convencional C-50
Rede	Rede de estradas de Galicia
Lonxitude	22 km
Localización
Inicio	N-634 en Vilamar (San Xusto de Cabarcos, Barreiros)
Fin	N-642 en Reme (Covelas, Ribadeo)

Val de Cabarcos, formado polo río Pusigo e os seus afluentes. Á esquerda e a zona próxima, San Xulián de Cabarcos, e á dereita, máis lonxe, San Xusto de Cabarcos. En primeiro termo, a estrada LU-133 (Reme - Vilamar).

O seu punto máis alto está na rotonda de cruzamento coa LU-P-6103 (Trabada-Barreiros), onde abandona o val de Cabarcos para meterse na cunca do río Grande (naquela zona, aínda rego de Lexoso). O paso entre Barreiros e Ribadeo é pola chamada ponte de Remourelle (Arante).

A outra derivación importante da estrada está en Covelas, a LU-P-5207, estrada que a conecta con Ribadeo.

Galería de imaxes

• 

  Vista do val do río Grande, lugares de Sa, Somo e Marelle (Covelas) dende o p.k. 14,5 aprox.

• 

  Ponte sobre o rego de Lexoso, división entre Ribadeo (Remourelle, ó fondo) e Barreiros

• 

  Comezo da LU-133 en Vilamar, dende a N-634

• 

  Remate da LU-133 en Reme, Ove, Ribadeo