Juan Rivas Fernández
Juan Rivas, nado en Pontevedra en 1974,[1] é un pintor, fotógrafo e docente galego. Reside en Marín e foi profesor de ensino medio en Maside e A Illa de Arousa e, altualmente imparte clases no IES Gonzalo Torrente Ballester de Pontevedra.
| Biografía | |
|---|---|
| Nacemento | 1974  (49/50 anos)Pontevedra, España |
| Datos persoais | |
| País de nacionalidade | España |
| Educación | Universidade de Vigo |
| Actividade | |
| Ocupación | fotógrafo , pintor , profesor de ensino secundario |
  | |
Formación
editarLicenciado pola Facultade de Belas Artes de Pontevedra, na Universidade de Vigo, en 1999. Estudou na Universidade de Kingston en Londres, cunha bolsa Erasmus no curso 1996-97). Obtivo tamén a bolsa de pintura do Concello de Mojácar (Almería, 1999). Bolsa Novos Valores (Deputación de Pontevedra, 2005) e Artist in Residence – Krems an der Donau (Austria, 2009).
Traballos
editarRivas realiza obras consistentes en debuxar a paisaxe en soportes que formen á súa vez parte da paisaxe, como un poste, farola, pedra, etc. de maneira que unha vez rematado o debuxo, dende ese punto, se poidan ver a paisaxe e o seu debuxo, con técnicas rápidas como pastel, xices, lapis de cores, rotuladores, etc. para captar a luz do momento.[2] Logo ese debuxo é recollido nunha fotografía que á súa vez constitúe a obra que se presenta nas salas de exposición.
Exposicións
editarEntre outras, ten realizado exposicións como: Luz que nunca se apaga Galería Estampa, Madrid e Pazo Torrado de Cambados;[3] Álbum Buzzati Espacio Valverde, Madrid (2015). Paisajes Tuneados Galería Estampa, Madrid (2012). Nö Dokumentationszentrum für Moderne Kunst, St. Pölten, Austria; Share your dreams, Junge kunst aus der EU, Suppan Contemporary, Viena, Austria (2009). Diálogos pictóricos (con Juan Moreno Badía). 2015 e 2020 no Pazo de Cultura de Pontevedra.
Notas
editar- ↑ "Juan Rivas Fernández". Pintores Gallegos.
- ↑ "juan rivas". INÉDITO. 2016-04-12. Consultado o 2022-03-05.
- ↑ Cambados, Redacción (2016-03-31). "Juan Rivas expone "Luz que nunca se apaga" en Pazo Torrado". Faro de Vigo (en castelán). Consultado o 2022-03-05.