José Luis Bugallal Marchesi
José Luis Bugallal Marchesi, tamén chamado Marathon, nado na Coruña o 18 de setembro de 1899 e finado na mesma cidade o 26 de decembro de 1989, foi un xornalista e escritor galego.
| Biografía | |
|---|---|
| Nacemento | 18 de setembro de 1899  A Coruña, España |
| Morte | 26 de decembro de 1989 (90 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | xornalista |
| Membro de | |
| Lingua | Lingua castelá |
| Familia | |
| Fillos | Isabel Bugallal Vela |
| Pai | Isidoro Bugallal |
| Irmáns | Javier Bugallal Pérez de Castro |
 | |
Traxectoria editar
Naceu no seo dunha familia de xornalistas. O seu bisavó fora Isidoro Araújo de Lira, xornalista galegocubano de Bouzas, e o seu pai o tamén xornalista Isidoro Bugallal. Estudou o bacharelato en Alemaña e licenciouse en Dereito pola Universidade de Santiago de Compostela[1]. Como xornalista, colaborou con medios locais, como El Noroeste, El Orzán e Marineda, e tamén no ABC e na Hoja del Lunes de Madrid, pero o seu xornal principal, onde desenvolveu case toda a súa carreira, foi El Ideal Gallego. Dedicouse sobre todo ao xornalismo deportivo.
En 1951 ingresou na Real Academia Galega a proposta de Manuel Casás, Francisco Vales Villamarín e Ángel del Castillo López[2]. Tamén foi membro da Real Academia de Belas Artes Nosa Señora do Rosario e correspondente da Real Academia de Belas Artes de San Fernando.
Vida persoal editar
Casado con Adela Vela Lojo, foi pai de Jaime, Isabel, Luisa, Pilar e José Luis Bugallal Vela.
Obras editar
- El coloso de Rande, 1927.
- El sentimiento lírico materno en la pintura de Ovidio Murguía[3], 1951.
- La gaita en Britania, 1956.
- Sofía Casanova: un siglo de glorias y dolores, 1964.
- Compostela: piedra y alma, 1983.
Galardóns editar
- Medalla de Platino ao Mérito Deportivo.
- Premio de honra da Agrupación Española de Periodistas Deportivos.
- O concello da Coruña tenlle adicada unha rúa.
Notas editar
- ↑ El coloso de Rande, por José Manuel Ponte, Faro de Vigo, 18/10/2007, arquivado dende o orixinal o 2 de agosto de 2012
- ↑ "José Luís Bugallal y Marchesi". Real Academia Galega.
- ↑ Bugallal Marchesi, J. L. (1951). El sentimiento lírico materno en la pintura de Ovidio Murguía. Real Academia Galega.