José Antonio Reyes

José Antonio Reyes Calderón, nado en Utrera (Sevilla) o 1 de setembro de 1983 e finado en Alcalá de Guadaíra o 1 de xuño de 2019, foi un futbolista español de orixe xitana, internacional en 21 ocasións coa selección española de fútbol. Faleceu nun accidente de tráfico preto da súa localidade natal aos 35 anos de idade.

José Antonio Reyes

(2015)
Biografía
Nacemento	(es) José Antonio Reyes Calderón 1 de setembro de 1983 Utrera, España
Morte	1 de xuño de 2019 (35 anos) Alcalá de Guadaíra, España
Causa da morte	morte accidental, accidente de tráfico
Altura	178 cm
Peso	75 kg
Actividade
Ocupación	futbolista
Período de actividade	1999 - 2019
Nacionalidade deportiva	España
Deporte	fútbol
Liga	Premier League
Posición de xogo	Extremo esquerdo
Traxectoria   Equipo 1999–2001   Sevilla Atlético 32 (1) 2000–2004   Sevilla FC 86 (21) 2004–2006 Arsenal F.C. 69 (16) 2006–2007 → cesión:    Real Madrid CF 30 (6) 2007, 2009–2008, 2012   Atlético de Madrid 103 (8) 2008–2009 → cesión:  Sport Lisboa e Benfica 26 (4) 2012–2016   Sevilla FC 109 (9) 2016–2017   RCD Espanyol 21 (3) 2018–2018   Córdoba CF 17 (1) 2018–2018 Xinjiang Tianshan Leopard Football Club 14 (4) 2019–2019   Extremadura Unión Deportiva 9 (0)   Selección nacional 1999–2000   España sub-16 7 (5) 2001–2002   España sub-19 7 (3) 2002–2003   España sub-21 7 (3) 2003–2006   España 21 (4) 2013–2013   Selección de fútbol de Andalucía 1 (0)
Participou en
2006	Mundial de Fútbol Alemaña 2006

Foi o xogador máis novo en debutar en Primeira División co Sevilla FC cando tiña dezaseis anos. No mercado de inverno da tempada 2003-04 foi traspasado ao Arsenal FC por aproximadamente trinta millóns. Alí conseguiu unha Premier League (sendo o primeiro español en conseguila), unha Community Shield en 2004 e unha FA Cup en 2005.

A partir de entón, os seus problemas de adaptación fixeron que o seu rendemento futbolístico baixase e estivo cedido unha tempada no Real Madrid, conseguindo a liga en 2007, e ese mesmo ano foi traspasado ao Atlético de Madrid. Alí foi cedido de novo ao Benfica portugués. Despois volveu ao Atlético e xogou tamén no Sevilla (2012-2016), o Espanyol (2016-2017), o Córdoba (2018), o Xinjiang Tianshan Leopard Football Club chinés (2018-2019) e, finalmente, en xaneiro de 2019 incorporouse ao Extremadura UD. Foi o xogador que máis campionatos de UEFA Europa League gañou, un total de cinco, dous co Atlético de Madrid e tres co Sevilla.

Falecemento

José Antonio Reyes faleceu o 1 de xuño de 2019 aos 35 anos de idade, nun accidente de tráfico na estrada que une Sevilla con Utrera, á altura do quilómetro 18, no termo municipal de Alcalá de Guadaíra. Preto das 11:30 da mañá na autovía A-376, o seu vehículo, no que viaxaban tres persoas, saíuse da calzada circulando a 237 km/h segundo o atestado da Garda Civil. Isto provocou a morte no acto do futbolista así como do seu curmán acompañante, e o incendio posterior do vehículo no que viaxaban. Un terceiro ocupante terminou gravemente ferido.

Palmarés

Campionatos nacionais

Título	Club	País	Ano
Segunda División	Sevilla FC	España	2001
Premier League	Arsenal FC	Inglaterra	2004
Community Shield	Arsenal FC	Inglaterra	2004
FA Cup	Arsenal FC	Inglaterra	2005
Liga de España	Real Madrid	España	2007
Copa da Liga	Benfica	Portugal	2009

Campionatos internacionais

Título	Equipo	Sede	Ano
Europeo Sub-19	Selección de España	Noruega	2002
Copa Intertoto	Atlético de Madrid	España	2007
UEFA Europa League	Atlético de Madrid	Hamburgo	2010
Supercopa de Europa	Atlético de Madrid	Mónaco	2010
UEFA Europa League	Atlético de Madrid	Bucarest	2012
UEFA Europa League	Sevilla FC	Turín	2014
UEFA Europa League	Sevilla FC	Varsovia	2015
UEFA Europa League	Sevilla FC	Basilea	2016

Véxase tamén