John Cordts

John Cordts, nado en Hamburgo o 23 de xullo de 1935, é un expiloto de automobilismo canadense.

John Cordts

Biografía
Nacemento	23 de xullo de 1935 (89 anos) Hamburgo, Alemaña
Actividade
Ocupación	piloto de Fórmula Un, enxeñeiro
Deporte	automobilismo

Traxectoria

Cordts participou nun Gran Premio do Campionato do Mundo de Fórmula Un, o Gran Premio do Canadá de 1969, o 20 de setembro de 1969. Clasificouse 19º, pero retirou o seu Brabham logo de 10 voltas cunha fuga de aceite, cando ía 16º.

Ademais da súa aparición na Fórmula Un, Cordts tivo éxito nas carreiras canadenses e estadounidenses de automóbiles deportivos, particularmente con varios McLaren do equipo Performance Engineering de Dave Billes. Competiu en moitos eventos, que van desde Harewood Acres (onde aínda mantén a marca da pista cando pechou en 1970), Mosport, Mont-Tremblant e Westwood no Canadá a varias pistas nos Estados Unidos e ata Xapón. Máis tarde converteuse nun participante habitual na serie CanAm, na que competiu ata 1974, principalmente en McLarens e Lolas. O seu mellor final na Can-Am foi o segundo posto en Road America en 1974. Tamén foi coñecido pola súa participación nas SCCA Trans-Am Series, onde, nun momento dado, pilotou un Pontiac Firebird patrocinado por BF Goodrich, coñecido como o "Tirebird" e tamén varios eventos da FIA co equipo Greenwood Corvette.

Cordts retirouse a vida privada no oeste do Canadá onde é coñecido polas súas fermosas esculturas en madeira e escribiu recentemente a súa autobiografía titulada "Blood, Sweat and Turnips" ("Sangue, suor e nauseas"). John tamén ingresou no Canadian Motorsport Hall of Fame en 2003.

Vida persoal

Emigrou de Alemaña a Suecia aos dous anos coa súa familia e despois a North Bay (Ontario, Canadá) con pouco máis de vinte anos coa súa esposa Inga-Britt e o seu fillo Jimmy, dun ano. Os seus dous outros fillos, Mary e Johnny, naceron no Canadá e trasladáronse a Suecia coa súa nai.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	Pos.	Puntos
1969	Paul Seitz	Brabham BT23B	Climax 4 en liña	RSA	ESP	MON	NED	FRA	GBR	ALE	ITA	CAN Ret	USA	MEX	NC	0

Véxase tamén

Bibliografía

• Small, John (1995). The Grand Prix who's who. Travel Publishing Ltd. ISBN 9781902007465. 
• Cordts, John (2006). Blood, Sweat and Turnips. .