James Galway
Sir James Galway, (Irlanda do Norte, 8 de decembro de 1939), coñecido coma o home da frauta dourada, é un dos maiores virtuosos dese instrumento. Naceu en Belfast.
 (2013)  | |
| Biografía | |
|---|---|
| Nacemento | 8 de decembro de 1939 (84 anos) Belfast, Reino Unido |
| Datos persoais | |
| País de nacionalidade | Reino Unido |
| Educación | Conservatorio de París Guildhall School of Music and Drama (en)  Royal College of Music (pt) |
| Actividade | |
| Ocupación | concert flutist (en) , director de orquestra , classical flautist (en) |
| Membro de | |
| Xénero artístico | Música clásica |
| Lingua | Lingua inglesa |
| Instrumento | Frauta travesa |
| Outro | |
| Título | Knight Bachelor |
Premios | |
| Páxina web | jamesgalway.com |
         | |
Seguindo os pasos de Jean-Pierre Rampal, converteuse nun dos primeiros frautistas que recorreron a súa carreira musical como solista. A Raíña Isabel II nomeouno sir en xuño de 2001.
Educación
editarJames Galway estudou no Royal College of Music con John Francis e logo na Guildhall School of Music con Geoffrey Gilbert. Logo estudou no Conservatorio de París con Gaston Crunelle e Jean-Pierre Rampal e tamén recibiu clases particulares con Marcel Moyse.
Biografía
editarLogo do seu período de estudo, traballou 15 anos en orquestras. Galway tocou na Philharmonia Orchestra nos anos cincuenta.
Logo disto tocou coa Sadler's Wells Opera, Covent Garden Opera, a London Symphony Orchestra e a Royal Philharmonic Orchestra.
Pertenceu á Orquestra Filharmónica de Berlín, onde tocou como frauta primeira entre 1969 e 1979. Para sorpresa de Herbert von Karajan, e tras un período de desencontros, “Jimmy” Galway decidiu iniciar unha carreira en solitario que finalmente foi dun enorme éxito. Aínda hoxe adícase regularmente á interpretación, e é un dos frautistas máis recoñecidos internacionalmente. Compositores coma o español Joaquín Rodrigo ou o inglés Malcolm Arnold, por quen ten mostrado a súa admiración en repetidas ocasións, adicáronlle algunhas das súas obras.
Ademais de concertos de repertorio clásico, tamén toca programas de música contemporánea. O álbum "In Ireland", gravado por James Galway e The Chieftains superou o número 32 nas listas de vendas do Reino Unido.
É o frautista principal do London Mozart Players, con sede en Londres.
Hai pouco, Sir James participou na gravación da banda sonora da triloxía de O Señor dos Aneis, gañadora dun Oscar da Academia Americana de Cine.
Na actualidade reside en Meggen (Suíza) coa súa dona, a frautista estadounidense Jeanne Galway.