Ivan Buchko
Ivan Buchko (en ucraíno: Іван Бучко), nado o 1 de outubro de 1891 en Hermanów (Galicia) e finado o 21 de setembro de 1974, foi un eclesiástico católico ucraíno.
| Biografía | |
|---|---|
| Nacemento | 1 de outubro de 1891  Tarasivka, Ucraína (en)  |
| Morte | 21 de setembro de 1974 (82 anos) Roma, Italia |
| Lugar de sepultura | Santa Sofia a Via Boccea (pt) 41°54′42″N 12°23′51″L / 41.9117089, 12.397445 |
| Arcebispo titular | |
| 27 de abril de 1953 – Diocese: Leucas (en) | |
| Bispo auxiliar | |
| 17 de abril de 1940 – 28 de xullo de 1945 | |
| Bispo auxiliar | |
| 16 de setembro de 1929 – | |
| Bispo titular | |
| 16 de setembro de 1929 – Diocese: Cadi (en) | |
| Bispo católico oriental | |
| | |
| Datos persoais | |
| País de nacionalidade | Reino de Galicia e Lodomeria Italia |
| Relixión | Igrexa católica bizantina ucraína e Igrexa católica |
| Educación | Lviv Academic Gymnasium (en) |
| Actividade | |
| Ocupación | bispo católico (1929–), sacerdote católico (1915–), diácono (1914–), presbítero greco-católico |
| Lingua | Lingua italiana |
| Consagración | Andrei Sheptytskyi |
 | |
Traxectoria editar
Naceu nunha familia de campesiños ucraínos, fillo de Hryhorii e Horpyna, en 1891 en Hermanów (entón parte de Austria-Hungría, hoxe en Ucraína). O 21 de febreiro de 1915 foi ordenado sacerdote en Roma polo bispo búlgaro Lazar Mladenov para a arquieparquía de Lviv.[1] Entre 1922 e 1929 foi reitor do seminario menor de Lviv.
O 16 de setembro de 1929 foi nomeado bispo auxiliar da arquieparquía de Lviv e bispo titular de Cadi. Recibiu a consagración episcopal de mans do metropolita de Galicia Andrei Sheptytskyi o 20 de outubro seguinte. Entre 1939 e 1940 foi tamén visitador apostólico para os fieis ucraínos da Arxentina e do Brasil.
O 17 de abril de 1940 foi nomeado bispo auxiliar do exarcado apostólico dos Estados Unidos de América, até a súa renuncia o 28 de xullo de 1945. Entre 1945 e 1971 foi visitador apostólico para os fieis ucraínos de Europa Occidental.
O 27 de abril de 1953 foi nomeado arcebispo titular de Leucas. Nos anos 60 participou como padre conciliar no Concilio Vaticano II. O 29 de setembro de 1971 retirouse con 80 anos. Finou en Roma o 21 de setembro de 1974.
Notas editar
- ↑ Українська журналістика в іменах: Матеріали до енциклопедичного словника (en ucraíno). Vol. 7. Lviv. 2000. pp. 40–41.