Isópodos
| Isópodos Isopoda Rango fósil: 300 Ma - actualidade | |||||||||||||||
|---|---|---|---|---|---|---|---|---|---|---|---|---|---|---|---|
 Armadillidium sp., un isópodo presente en Galicia | |||||||||||||||
| Clasificación científica | |||||||||||||||
| |||||||||||||||
| Subordes | |||||||||||||||
| |||||||||||||||
A dos isópodos (Isopoda) é unha orde de crustáceos malacostráceos eumalacostráceos da superorde dos peracáridos, a que presenta máis diversidade biolóxica.
Comprende unhas 10 000 especies, distribuídas en nove subordes, de ampla distribución en toda clase de medios, especialmente no mariño, aínda que tamén existen especies dilciacuícolas e mesmo terrestres.
Estudos filoxenéticos e dos fósiles, dan indicios de que esta orde data polo menos do paleozoico, hai uns 300 millóns de anos.
Características editar
O seu corpo consta de tres rexións ou tagmas: cabeza, tórax e abdome.
A cabeza posúe dous pares de antenas; o primeiro está ben desenvolvido e utilízano para explorar, saborear e ulir a comida; o segundo é pequeno e invisíbel externamente.
O tórax está formado por oito segmentos, cada un dos cales ten un par de patas; o primeiro segmento ten fusionada a cabeza; os sete segmentos restantes forman o pereion.
Ao final do abdome presentan un par de apéndices chamados urópodos.
Adoitan seren de pequeno tamaño, e algunhas especies teñen a capacidade de enrolarse formando bólas.[1]
Taxonomía editar
Descrición editar
A orde foi descrita en 1817 polo sacerdote católico e notábel entomólogo francés Pierre André Latreille.[2]
Etimoloxía editar
O nome científico da orde, Isopoda, é un substantivo neutro plural do latín científico que está formado polos elementos iso- e -poda, tirados do elemento do grego antigo ἰσο- iso-, derivado do termo ἴσος ísos, 'igual', e o substantivo πούς, ποδός poús, podós, 'pé', 'pata', facendo referencia a que todas as patas que posúen estes animais son iguais.[3] O termo foi usado por primeira vez en 1835 en francés como isopode.[3] Isto contrasta cos seus parentes os anfípodos (Amphipoda), que teñen dous tipos de patas torácicas.
Clasificación editar
A orde dos Isopoda divídese, segundo Martin e Davis, en nove subordes.[4]
- Suborde Phreatoicidea Stebbing, 1893
- Suborde Anthuridea Monod, 1922
- Suborde Microcerberidea Lang, 1961
- Suborde Flabellifera Sars, 1882
- Suborde Asellota Latreille, 1802
- Suborde Calabozoida Van Lieshout, 1983
- Suborde Valvifera Sars, 1882
- Suborde Cymothoida
- Suborde Epicaridea Latreille, 1831
- Suborde Oniscidea Latreille, 1802
Porén, o ITIS considera ademais a
- Suborde Gnathiidea Leach, 1814 [2]
Notas editar
- ↑ Scholtz, Gerhard (2008). "Scarab beetles at the interface of wheel invention in nature and culture?". Contributions to Zoology (National Museum of Natural History Naturalis) 77 (3). ISSN 1875-9866. Arquivado dende o orixinal o 21 de outubro de 2016. Consultado o 14 de marzo de 2017.
- ↑ 2,0 2,1 Isopoda Latreille, 1817 no ITIS.
- ↑ 3,0 3,1 isopod no Online Etymology Dictionary.
- ↑ Martin, J. W. & Davis, G. E. (2001). An Updated Classification of the Recent Crustacea (PDF). Natural History Museum of Los Angeles County. Arquivado dende o orixinal (PDF) o 29 de decembro de 2009. Consultado o 14 de marzo de 2017.
Véxase tamén editar
| Wikispecies posúe unha páxina sobre: Isópodos |
| Wikimedia Commons ten máis contidos multimedia na categoría: Isópodos |
Bibliografía editar
- Brandt, A. & Poore, G. C. B. (2003): "Higher classification of the flabelliferan and related Isopoda based on a reappraisal of relationships". Invertebrate Systematics 17: 893-923.
- Brusca, R. C. & Brusca, G. J. (1990): Invertebrates. Sunderland, MA (USA): Sinauer Associates. ISBN 0-87893-098-1.
- Schotte, M., B. F. Kensley & S. Shilling (1995): "World list of Marine, Freshwater and Terrestrial Crustacea Isopoda". Washington, D.C., USA: National Museum of Natural History Smithsonian Institution. Ver en liña en Isopod.
Outros artigos editar
Ligazóns externas editar
- Fotos Arquivado 14 de xullo de 2017 en Wayback Machine.
- Crustáceos. Malacostráceos III. Isópodos Arquivado 15 de marzo de 2017 en Wayback Machine. en Asturnatura (en castelán).
|
Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |