Instituto de Francia

O Instituto de Francia (en francés Institut de France) é unha institución académica francesa creada o 25 de outubro de 1795.

Instituto de Francia
Tipo	sociedade científica
Forma xurídica	instituição pública nacional de natureza administrativa (pt)
Composto por  Academia Francesa  Academia de Belas Artes  Academia francesa das ciencias  Academia de Inscricións e Linguas Antigas  Académie des Sciences Morales et Politiques (pt)
Persoas e organizacións
Fundador/a	Convención Nacional
Secretario/a	Xavier Darcos 2017
Ten en propiendade Castelo de Chantilly (pt) Pavillon de Manse (en) Paisagem com duas ninfas (pt) Portrait of Gaston de France (en) Villa Kerylos (en) hippodrome de Chantilly Villa Ephrussi de Rothschild (pt) Chantilly Forest (en) Museu Condé (pt) Retrato de Madame Devaucay (pt)
Entidades subsidiarias Fondation Thiers (en)
Actividade
Industria	administración pública (tutela) de sanidade, formación, cultura e servizos sociais, diferentes da seguridade social e ensino superior
Data
Fundación	25 de outubro de 1795
Localización
48°52′N 2°20′L
País	Francia
Rúa	quai de Conti
Sede	Institut de France
Contacto
Páxina WEB	institut-de-france.fr
Redes
[ Wikidata ] [ C:Commons ]

Entrada principal do Instituto de Francia

O Instituto fomenta a investigación e apoia a creación, mediante premios, bolsas e axudas. Situado baixo a protección do presidente da República, tamén é o gardián dun importante patrimonio formado por residencias e coleccións que lle foron legadas desde finais do século XIX.

Composición

Na actualidade, comprende as seguintes cinco academias francesas:

• Academia Francesa (Académie française, fundada en 1635);
• Academia de Inscricións e Linguas Antigas (Académie des inscriptions et belles-lettres, fundada en 1663);
• Academia de Ciencias (Académie des sciences, fundada en 1666);
• Academia de Belas Artes (Académie des beaux-arts, fundada en 1816);
• Academia de Ciencias Morais e Políticas (Académie des sciences morales et politiques, fundada en 1795, suprimida en 1803 e restablecida en 1832).

Outras institucións dependentes

Anverso dun franco conmemorativo do bicentenario do Instituto de Francia (1995)

O Instituto xestiona, ademais, varios museos e castelos:

• En París, o museo Jacquemart-André, instituído coa colección privada de dito matrimonio, e o museo Marmottan.
• Fóra de París, administra os castelos de Chantilly, onde se encontra o museo Condé, de Langeais, de Braux-Sainte-Cohière, de Abbadie e de Castries, o museo Claude Monet, a Real Abadía de Chaalis, a Vila Éphrussi de Rothschild, a Casa de Louis Pasteur, a Vila Grega Kérylos, e o Manoir de Kerazan.

Do Instituto dependen catro bibliotecas de investigación:

• A Biblioteca Mazarino
• A Biblioteca Thiers
• A Biblioteca do Instituto
• A Biblioteca do museo Condé no castelo de Chantilly

En 2005, comezou a emitir Canal Académie, unha radio por Internet ligada ás actividades do Instituto.

O edificio

O Instituto de Francia visto desde a ponte das artes sobre o Sena

En 1661, o cardeal Mazarino, posuidor dunha gran fortuna, dispuxo no seu testamento que fora erixido un palacio que albergara a fundación dunha Academia na que serían educados sesenta nobees nados nas catro provincias conquistadas e vinculadas a Francia polos tratados de Westfalia (1648) e dos Pireneos (1659) (de aí o nome: "Colexio das Catro Nacións", que eran o Artois, a Alsacia, o Pinerolo e os condados cataláns do Rosellón, Conflent, Vallespir e a Alta Cerdaña.

Jean-Baptiste Colbert, secretario de Estado de Lois XIV, encargou a Louis Le Vau a realización dos planos do palacio. Este debería erixirse fronte ao Louvre, na outra beira do río Sena. A construción do edificio levouse a cabo entre 1662 e1688.

En 1796, o edificio albergaba un liceo elitista, a "Escola Central das Catro Nacións".

Criticada por Napoleón I pola súa ensinanza pouco moral e de tendencia demasiado revolucionaria, pechouna en 1802. En 1805, pediu que o Instituto de Francia se instara no palacio. O arquitecto Antoine Vaudoyer transformou entón a capela nunha sala onde os académicos puideran levar a cabo as súas sesións.

Galería

• 
  Pequena sala de sesións
• 
  Gran sala de sesións
• 
  A cúpula, vista desde o interior
• 
  A biblioteca do Instituto de Francia

Véxase tamén

Bibliografía

• Léon Aucoc (1889): L’Institut de France. Lois, statuts et règlements concernant les anciennes Académies et l’Institut de 1635 à 1889. París: Imprimerie nationale. (Ler en liña en Gallica).
• Léon Aucoc (1889): L’Institut de France et les anciennes Académies. París: Éditions Plon.
• Daniel Garcia (2014): Coupole et dépendances. París: Éditions du moment. ISBN 978-2-3541-7264-0.

Outros artigos

• Moeda dun franco Institut de France

Ligazóns externas

• Páxina web oficial (en francés).