Illa da Revolución de Outubro

A illa da Revolución de Outubro (en ruso остров Октябрьской Революции, óstrov Oktiàbrskoi Revoliútsii) é a principal do arquipélago ruso da Terra do Norte, no Ártico, situada entre as illas Komsomólets e Pioner ó norte e a illa Bolxevique o sur.

Illa da Revolución de Outubro

Tipo	illa
Epónimo	Revolución de Outubro
Parte de	Terra do Norte
Localización
Continente	Asia
División administrativa	Krai de Krasnoiarsk, Rusia
Localización	Océano Ártico
79°29′N 96°50′L
Bañado por	Mar de Kara e Mar de Laptev
Características
Altitude	965 m
Dimensións	99 () × 143 () km
Superficie	14.204 km²
Historia
Data de descuberta ou invención	1913

Foi explorada por primeira vez pola expedición de Gueorgui Uixàkov e Nikolai Urvantsev (1930-1932), que foron quen lle deron este nome en honor da Revolución Rusa. Segundo un decreto aprobado o 1 de decembro de 2006 polo extinto goberno rexional de Taimiria, a illa foi renomeada illa de Santa Alexandra (остров Святой Александры, óstrov Sviatoi Aleksandri) en honor da tsarina Alexandra, asasinada durante a revolución bolxevique.

Ten unha superficie estimada de 14.170 km², é a 59 máis grande do mundo. O punto máis alto é o monte Karpinski, de 965 m. A metade da illa esta cuberta por glaciares que desembocan no mar. Nas partes libres de xeo, a vexetación é de tipo desértico ou de tundra.

A illa da Revolución de Outubro ten cinco glaciares principais: Rusánov, Karpinski, Universitetski, Vavílov e Albánov, e o de Maliutka, máis pequeno. De 1974 a 1988, na parte norte do glaciar Vavílov funcionou unha estación meteorolóxica. Entre os glaciares discorren diversos ríos, o principal dos cales é o Bolxaia, en dirección noroeste.

Véxase tamén

Outros artigos

• Terra do Norte