Igrexa católica bizantina belarusa

A Igrexa católica bizantina belarusa, ou Igrexa greco-católica belarusa (en belaruso: Беларуская грэка-каталіцкая царква, Bielaruskaja hreka-katalickaja carkva) é unha igrexa particular oriental da Igrexa católica. Actualmente a Igrexa non ten xerarquía propia, polo que depende da Congregación para as Igrexas Orientais e dos ordinarios latinos, e a atención das necesidades cotiás da mesma é responsabilidade do visitador apostólico para os greco-católicos belarusos, Siarhiej Hajek.

Igrexa greco-católica belarusa Беларуская грэка-каталіцкая царква (Bielaruskaja hreka-katalickaja carkva)
Historia
Fundación	988 (Bautismo de Kíiv) 1595 (Unión de Brest)
Motivo	Volta á comuñón coa Santa Sé da Igrexa rutena
Separada de	Igrexa ortodoxa
Parte de	Igrexa católica
Goberno
Tipo de goberno	Episcopal
Papa	Francisco
Prefecto para as Igrexas orientais	Leonardo Sandri
Visitador apostólico	Siarhiej Hajek
Estrutura	18 parroquias en dous arciprestados
Clasificación
Grupo	Catolicismo
Orientación	Cristianismo oriental
Demografía e cultura
Fieis	arredor de 3.000 en Belarús
Países	Belarús e diáspora
Linguas litúrxicas	Eslavo eclesiástico, belaruso
Ritos litúrxicos	Bizantino
Outros datos
Sede central	Minsk

A Igrexa é unha das sucesoras da aceptación do cristianismo polo gran príncipe Vladimiro o Grande de Kíiv, en 988, e xunto coa Igrexa ucraína é herdeira da Unión de Brest de 1595.

O 1 de outubro de 2017 o arcebispo maior Sviatoslav celebrou a divina liturxia en Minsk, primeira vez que o metropolita de Kíiv-Galicia o facía no territorio de Belarús dende a abolición da Unión de Brest polas autoridades imperiais rusas en 1839.

Organización

A Igrexa organízase en Belarús en dous protopresbiterados (equivalentes aos arciprestados latinos):

• Central-occidental, que abrangue as rexións de Minsk, Brest, Hrodna e a cidade de Minsk, con 13 parroquias.
• Oriental, que abrangue as rexións de Homieĺ, Mahilioŭ e Viciebsk, con 6 parroquias.

Véxase tamén

Bibliografía

• Gajek, Siarhiej; Ablamejka, Siarhiej (2003). "La Chiesa greco-cattolica bielorussa". Fede e martirio: le Chiese orientali cattoliche nell'Europa del Novecento. Libreria Editrice Vaticana.