Abrir o menú principal

Hermann de Reichenau (tamén chamado Hermannus contractus ou Hermannus Augiensis), nado en Altshausen, na actual Alemaña, o 18 de xullo de 1013 e finado na abadía bieita de Reichenau o 24 de setembro de 1054, foi un estudoso do século XI, compositor e teórico musical, matemático e astrónomo. Hermannus foi fillo do duque de Altshausen. Prexudicado por unha enfermidade que o deixou paralítico desde a infancia, pasou a maior parte da súa vida na abadía de Reichenau, unha illa no lago Constanza. Hermannus contribuíu ás catro artes do quadrivium. Era coñecido como compositor musical, mais tamén escribiu un tratado sobre a ciencia da música, varias obras sobre xeometría e aritmética e tratados astronómicos (incluíndo instrucións para a construción dun astrolabio).

Hermann de Reichenau
Hermann Reichenau Ofenkachel.jpg
Nacemento18 de xullo de 1013
 Altshausen
Falecemento24 de setembro de 1054
 Abbey of Reichenau
NacionalidadeAlemaña
Relixióncristianismo
Ocupacióncompositor, matemático, poeta, escritor, historiador, musicólogo, teórico musical, astrólogo e astrónomo
editar datos en Wikidata ]
Hermann de Reichenau, á dereita, cun astrolabio

Como historiador, escribiu unha crónica detallada dende o nacemento de Cristo ata o seu tempo, compilando por primeira vez os acontecementos do primeiro milenio despois de Cristo espallados en varias crónicas nun único traballo, ordenándoas despois do cómputo da era cristiá. O seu discípulo, Berthold, foi o seu continuador.

Foi beatificado en 1863.

Véxase taménEditar