Gustavo Contreras Cerdeiriña
Gustavo Contreras Cerdeiriña, nado en Verín en 1909 e finado en Vigo en 1975, foi un médico e político galego.
| Biografía | |
|---|---|
| Nacemento | 1909  Verín, España |
| Morte | 1975 (65/66 anos) Vigo, España |
| Datos persoais | |
| País de nacionalidade | España |
| Actividade | |
| Ocupación | médico |
Traxectoria editar
Comezou os estudos de Medicina na Universidade de Santiago de Compostela e rematounos na Universidade de Granada acollido polo seu tío político Alejandro Otero Fernández. Finalizados os estudos en 1932 permaneceu un tempo en Granada especializándose en Xinecoloxía e Obstetricia con Alejandro Otero. Simpatizante do PSOE. Regresou a Verín onde exerceu a medicina. Co golpe de Estado do 18 de xullo de 1936 logrou pasar desapercibido traballando na Enfermería Militar de Cabreiroá. Foi detido o 27 de marzo de 1937 durante un breve período de tempo sen procesamento xudicial e finalmente alistouse no Exército franquista e foi nomeado alférez médico en maio de 1937.[1] Dende 1941 exerceu como médico de Asistencia Pública Domiciliaria primeiro en Lleida e despois en Monterrei. En 1963 trasladouse como médico municipal ao Incio, de onde pasou a Baiona e despois a Vigo como médico de Citroën. Finou en Vigo en 1975.
Notas editar
- ↑ El Eco de Santiago, 29-5-1937, p. 2.
Véxase tamén editar
Bibliografía editar
- Simón - Lorda, Simón (2010). Médicos ourensanos represaliados en la guerra civil y en la posguerra. Historias de la "longa noite de pedra". Tórculo. p. 268. ISBN 978-84-937546-8-6.
Ligazóns externas editar
- Gustavo Contreras Cerdeiriña na páxina web Nomes e Voces.