Alejandro Otero

Alejandro Otero Fernández, nado en Redondela o 14 de decembro de 1888 e finado en México o 26 de xuño de 1953, foi un médico e político socialista galego.

Alejandro Otero
Nome completo	Alejandro Otero Fernández
Nacemento	14 de decembro de 1888
	Redondela
Falecemento	26 de xuño de 1953
	México
Nacionalidade	España
Alma máter	Universidade de Santiago de Compostela
Ocupación	político, médico e catedrático de universidade
Cónxuxe	Laura Contreras Valiñas Elena Fernández Fernández
[ editar datos en Wikidata ]

Traxectoria

Fillo de Juan Manuel Otero Milleiro. Estudou medicina na Universidade de Santiago de Compostela onde foi alumno de Manuel Varela Radío, e exerceu en Granada ata que en 1914 foi nomeado catedrático de xinecoloxía da Universidade de Granada, da que foi elixido reitor en 1932. Foi elixido concelleiro do concello de Granada en 1931, aproveitando o cargo para impulsar o Hospital Clínico de Granada. Nas eleccións a Cortes Constituíntes de 1931 foi elixido deputado pola provincia de Pontevedra polo PSOE. Foi encarcerado uns meses durante a Revolución de 1934. Durante a Guerra civil española foi subsecretario de armamento e ao remate exiliouse en México, onde continuou traballando como médico e colaborou co goberno da República Española no exilio.

Véxase tamén

Bibliografía

• Gurriarán, R, (2006). Ciencia e conciencia na Universidade de Santiago (1900-1940). Do influxo institucionista e a JAE á depuración do profesorado. USC.
• Rodríguez Galdo, María Xosé (2007). "Unha achega a distintas personalidades do exilio galego en México" (PDF). Claridade (Fundación Luís Tilve). setembro (Especial homenaxe): 69–72. 

Outros artigos

• Exilio galego de 1936

Ligazóns externas

• Ficha no Congreso dos Deputados
• F. Valverde: "Un libro relata la vida del médico republicano Alejandro Otero" El País, 17 de novembro de 2006 (en castelán).