Abrir o menú principal

Guillermo Vicente Santiago, nado no Brasil en 1896 e finado en Pintán (A Guarda) o 10 de xaneiro de 1940, foi un industrial, xornalista e político galego.

Guillermo Vicente
Nacemento1896
 Brasil
Falecemento10 de xaneiro de 1940
 Pintán
Causatuberculose
NacionalidadeEspaña
Ocupaciónxornalista
editar datos en Wikidata ]

TraxectoriaEditar

Empregado no Banco Nacional da Arxentina, logo na Guarda traballou na corresponsalía de banca da familia Nandín e mais tarde trasladouse a Tui. Era o propietario e director da imprenta onde se editaba La Integridad e os semanarios Tierra (1932) e Tribuna (1933), que dirixiu. Tamén foi colaborador e correspondente dos semanarios Heraldo Guardés e Nuevo Heraldo.

Presidente de Izquierda Republicana de Tui, foi elixido Alcalde o 16 de xullo de 1936. Coa sublevación do 18 de xullo de 1936 presidiu o Comité de Defensa da República. Cando cae a resistencia, bótase ao monte con Antón Alonso Ríos. Tras vagar varios días por distintos lugares, danlles acollida nunha casa en Torroña, onde permanecen agochados dende o 31 de xullo até o día 11 de agosto. Polo perigo de seren atopados, deciden marchar varios días para volver outra vez o 14 de agosto, permanecendo até o 19 de agosto. Alí chegaron a saber que andaban na súa procura. Guillermo debido a problemas pulmonares non pode seguir no monte e decide agocharse no domicilio familiar en Pintán, onde permaneceu nun zulo en tan malas condicións que a enfermidade agrávase a pesar das medicinas receitadas polo médico Darío Álvarez Blázquez. Faleceu a causa de tuberculose o 1 de maio de 1940.


Predecesor:
Benito Pérez Álvarez
  
Alcalde de Tui
 
16/7/1936 - 26/7/1936
Sucesor:
José Peñarredonda Fernández

Véxase taménEditar

Ligazóns externasEditar