Abrir o menú principal

Francisco Varela Garrido

político galego

Francisco Varela Garrido, coñecido como Pancho Varela, nado en Cerdedo en 1898 e finado en Pontevedra o 27 de xullo de 1937, foi un político galego.

Francisco Varela Garrido
Nacemento1898
 Cerdedo, Cerdedo
Falecemento27 de xullo de 1937
 Pontevedra
NacionalidadeEspaña
editar datos en Wikidata ]

TraxectoriaEditar

Fillo de Gerardo Varela Figueroa, que foi alcalde do Concello de Cerdedo en 1904 e 1909-1910, e Peregrina Garrido. Cursou estudos de Maxisterio, e dedicouse á profesión de comercial (comisionista) no negocio de seu pai. Foi secretario da primeira directiva do Cerdedo Fútbol Club (1926). Foi membro da Sociedade de Agricultores de Cerdedo e correspondente de El Pueblo Gallego e El País. Militou primeiro no PSOE e despois en Izquierda Republicana. Foi xuíz municipal de Cerdedo (1931-1933) e secretario interino do Concello. Con motivo da folga xeral revolucionaria de 1934 foi detido o 8 de outubro con Sabino Bugallo Valiñas, Carlos González Estévez e José Torres Paz. Tras pasaren dous meses en prisión, foron postos en liberdade o 14 de decembro.[1] Foi candidato a compromisario para as eleccións do presidente da República en abril de 1936. Logo do golpe de Estado do 18 de xullo de 1936 foi nomeado delegado gobernativo en Cerdedo e esixiu á Garda Civil que se puxese do lado da legalidade. Co triunfo da sublevación fuxiu ao Monte do Seixo e despois ao Carballiño, para chegar a Monleras (Salamanca), onde se refuxiou coa complicidade do seu sobriño Ramón Cachafeiro Varela, o contratista de obras e falanxista Ramón Cachafeiro. Delatado polo boticario, foi detido en Monleras o 2 de setembro de 1936. Estivo preso na Escola Normal de Pontevedra e na illa de San Simón. Xulgado en Pontevedra por rebelión en consello de guerra o 16 abril de 1937, foi condenado a morte e executado o 27 de xullo de 1937.

Vida persoalEditar

Casou con Teresa Sanmartín Lois en 1930.

NotasEditar

Véxase taménEditar