Folión de Entroido
Un folión, ou fulión[1], é unha agrupación musical formada, durante o Entroido, polos veciños das comarcas de Viana, Terra de Trives e Valdeorras.
| Folión de Entroido | |
|---|---|
 | |
| Orixe cultural | Galiza |
| Instrumentos típicos | Tambor de entroido Sacho |
Características editar
Durante as celebracións do Entroido, os veciños dalgúns lugares das comarcas de Viana, Trives e Valdeorras[2], organízanse para desfilar polas aldeas da comarca. Estes grupos musicais veciñais, chamados folións, marchan ao ritmo da percusión de enormes tambores de entroido e de diversas ferramentas de traballo: gadañas, fouces, martelos e sachos. Nalgúns lugares, como Vilariño de Conso, empréganse tamén cornos, trompetas e cornetas de metal.[3][4] Os folións, cada un dos cales ten a súa particular cadencia, van sempre acompañados polos boteiros, as máscaras de entroido propias da zona, encargadas de animar a festa cos seus bailes e carreiras.[5]
Notas editar
- ↑ "Fulión". Dicionario de dicionarios. Consultado o 2022-02-27.
- ↑ "Un estudo revela "a tradición e singularidade" do Entroido da Veiga". O Sil, periódico en galego de información xeral. 2019-02-23. Consultado o 2022-02-27.
- ↑ "Os Instrumentos Musicais na Tradición Galega » Corno, corna". Consultado o 2021-10-10.
- ↑ "Os Instrumentos Musicais na Tradición Galega » Corneta (de metal)". Consultado o 2021-10-10.
- ↑ Fernández Santomé, Xerardo (2012). Treboada galega. A.F.Gaiteiros da Xistra. p. 16.
Véxase tamén editar
Ligazóns externas editar
- Entroido Vilariño de Conso - TVG (Alalá nº 103 - 2009)
- Bombos e bombeiros - Pablo Quintana (1986) - Youtube.