Abrir o menú principal
Boteiro de Vilariño de Conso.

O boteiro é un personaxe do folclore de Galiza vinculado ás festas de entroido da comarca vianesa; está presente nos concellos de Viana do Bolo, Vilariño de Conso e A Gudiña.

Índice

CaracterísticasEditar

 
Detalle das campaíñas e das fitas dun boteiro de Viana do Bolo.

Leva unha máscara de peso considerábel feita de pel de cabra ou de cartón, de cor rosa con barba e bigote, sendo a variante vianesa a máis traballada [1], tallada en madeira de bidueiro e de cor negra; as dúas coroadas por unha gran pantalla de formas xeométricas adubiadas con fitas de moitas cores.

O traxe está composto por[2]:

  • Unha camisa de cores feita con fitas cosidas pregadas en acordeón.
  • Un pantalón de seda, con flocos nos laterais.
  • Unha faixa con picos e borlas.
  • Un cinto con esquilas ou campaíñas.
  • Unhas botas negras e unhas polainas de coiro negras tamén.
  • Na man porta a Monca, pau coroado por unha borla sobre o que dá saltos ou botes; do que se deriva o seu nome.

FunciónsEditar

O boteiro é o líder da comitiva de entroido coñecida como folión. As súas funcións, a maiores de dar botes e carreiras como forma de animación, son:

  • Pedir permiso na entrada das aldeas visitadas.
  • Abrir paso entre a multitude ó folión.

Cómpre diferencialo do cigarrón, outro personaxe do entroido galego propio da Comarca de Verín.

NotasEditar

  1. As caras do entroido ourensán, Ed. Deputación de Ourense, páx.232
  2. As caras do entroido ourensán, Ed. Deputación de Ourense, páx. 223

Véxase taménEditar