Flanagan de luxe
Flanagan de luxe é un libro escrito en 1994 por Andreu Martín e Jaume Ribera. É o cuarto da saga protagonizada polo detective xuvenil Flanagan.
| Flanagan de luxe | |
|---|---|
| Título orixinal | Flanagan de luxe |
| Autor/a | Andreu Martín e Jaume Ribera |
| Orixe | Cataluña |
| Lingua | catalán |
| Colección | Fóra de Xogo (nº 4) |
| Xénero(s) | Novela negra, literatura xuvenil |
| Editorial | Edicións Xerais |
| Data de pub. | decembro 1994 |
| Formato | 13 x 21 cm. edición rústica cosida a fío |
| Páxinas | 208 |
| ISBN | 978-84-7507-844-1 |
| Precedido por | No te'n rentis les mans, Flanagan |
| Seguido por | Alfagann é Flanagan |
| Tradución | Xavier Rodríguez Baixeras |
| [ editar datos en Wikidata ] | |
Trama editar
A trama dura unha semana, entre o luns 31 de xullo e o 7 de agosto.
Flanagan vai marchar de vacacións á montaña, a Viladrau á casa da súa amiga María Gual. A relación entre ambos os dous é inestable. Están enrollados, mais Flanagan non quere amigar. Pero antes de marchar chámao Nines, unha amiga que coñeceu en Tots els detectius es diuen Flanagan, e que solicita a súa axuda para esconder a R.A., amigo dela que anda metido nunha boa lea.
Chega o venres e R.A., mediante varias estratexias, logra que Flanagan e María, no canto de ir á montaña, vaian a Sant Pau del Port, unha vila da costa onde veranean Nines e os seus amigos. Alí, o sábado Flanagan é vítima dunha broma bastante pesada por parte de R.A. e os seus amigos pijos, que o deixan no medio do mar pensando que R.A. fora asasinado por uns traficantes de droga resentidos con el.
Pero, lonxe de arranxarse o asunto ó chegar á costa, descobre que R.A. foi presuntamente secuestrado por uns descoñecidos que lle piden ó seu pai 100 millóns de pesetas de rescate. Finalmente, arranxado o asunto, Flanagan devólvelle a broma ós amigos de Nines.
Narración editar
Neste libro Flanagan non exerce demasiado de detective, xa que os casos que debe afrontar son ficticios, e feitos á mantenta para enganalo. Pero aprende boas leccións en diversos campos, desde a socioloxía ata o amor, pasando pola medicina e as drogas.
Véxase tamén editar
Bibliografía editar
- Costas, Concha: Fóra de Xogo. Tecendo lecturas Larousse. Catálogos.