Ferrari F-2012
| |
| Ferrari | |
|---|---|
| Información | |
| País |  Italia
|
| Fabricante | Ferrari |
| Deseñador | |
| Produción | |
| Predecesor | Ferrari 150º Italia |
| Sucesor | |
| Longo | mm |
| Largo | mm |
| Alto | mm |
| Peso | 640 Kg. mínimo (con auga, lubricante e piloto) |
| Chasis | Monocasco de niño de abella en fibra de carbono e material composto |
| Suspensión | Independente con resorte de torsión e amortecedor dianteiro / traseiro |
| Motor | Ferrari Tipo 056, V8 (90º) atmosférico central |
| Potencia | 2398 cm³, limitado a 18000 RPM con KERS |
| Transmisión | 7 velocidades e marcha atrás semiautomática secuencial, controlada electronicamente, caixa de cambios lonxitudinal |
| Tracción | Posterior |
| Freos | Brembo, discos ventilados de carbono |
| Prestacións | |
| Pneumáticos | Pirelli P Zero (seco), Cinturato (mollado)[1] Lamias OZ (dianteiras e traseiras): 13" |
| Debut | Gran Premio de Australia de 2012 |
| Pilotos | 5.  Fernando Alonso 6.  Felipe Massa
|
| Carreiras | 20 |
| Gañadas | 3 |
| Poles | 2 |
| Voltas rápidas | 0 |
| Camp. Cons. | 0 |
| Camp. Pilt. | 0 |
| * "Scuderia Ferrari Formula 1" [Páxina Web oficial da Scuderia Ferrari] (en inglés). Consultado o 5 de maio de 2019. | |
O Ferrari F2012 é un coche de carreiras de Fórmula Un deseñado pola Scuderia Ferrari para a tempada de Fórmula Un de 2012. O coche foi presentado o 3 de febreiro nas instalacións de Ferrari en Maranello[2] O coche será pilotado por Fernando Alonso e Felipe Massa.
Deseño editar
Como a maioría dos coches cas especificacións para 2012, os F2012 contan cun "morro graduado" para adaptarse ás novas normas de seguridade da FIA. Con todo, o deseño de Ferrari, foi obxecto de críticas, incluíndo as do seu piloto Massa.[3]
Informouse de que Ferrari desenvolvera un sistema de suspensión reactiva, un dispositivo mecánico, deseñado para manter a altura da carrocería nas freadas, que esperaba utilizar no seu coche de 2012.[4] Nunha decisión de última hora a FIA determinou que os dispositivos deste tipo contraveñen as disposicións, xa que podería mellorar o rendemento aerodinámico dos coches, polo que o sistema non está presente no novo coche.[5]
Rendemento editar
Durante as probas de pretemporada, os xornalistas informaron de problemas co manexo do coche. Subviraxe na entrada das curvas e sobreviraxe na saída das curvas. Ferrari negou que o coche tivera un baixo rendemento, pero durante o Gran Premio de Australia de 2012, ámbolos dous, Alonso e Massa tiveron que loitar co manexo, e só puideron cualificar 12º e 17º, respectivamente. Alonso terminou a carreira en quinto lugar, mentres que Massa retirouse logo dunha colisión co piloto de Williams Bruno Senna. Na semana antes do Gran Premio de Malaisia, Ferrari deu o paso extraordinario preparando un chasis novo para Massa.[6] Non se podía explicar a diferenza entre as actuacións de Alonso e Massa en Melbourne, o equipo preparou o chasis para Massa na crenza de que o coche que usou en Australia era defectuoso. Na carreira, as condicións meteorolóxicas extremas levaron a Alonso á cabeza logo da parada en boxes. O F2012 de Ferrari demostrou que ten moi bo rendemento en condicións de mollado, pero a medida que a pista comezou a secarse, Sauber tiña mellor ritmo que os Ferrari e Pérez acurtou a vantaxe de Alonso de sete segundos a apenas medio segundo. Pero Alonso mantivo a primeira posición, finalmente Pérez cometeu un erro, o que deixouno a máis de cinco segundos por detrás de Alonso. Non houbo tempo suficiente para collelo de novo, e Alonso gañou a carreira, a primeira para o novo F2012. En China, o F2012 seguia tendo unha diferenza similar cos coches máis rápidos na clasificación, Alonso foi noveno e Massa duodécimo. Na carreira, Alonso volveu mostrar a súa habilidade e tivo a oportunidade de loitar polo cuarto posto, pero a causa da falta de ritmo nas voltas finais da carreira, Alonso saíuse da pista ao intentar adiantar, no medio dunha curva, a un piloto que ía diante, e rematou noveno no final da carreira. Massa terminou 14º. En España, Alonso marcara o mellor tempo na primeira práctica do venres, e orixinalmente clasificouse en terceiro lugar, a menos de 0´6 segundos por detrás de Hamilton e a menos de 0´02 segundos por detrás de Maldonado que foi segundo. Con todo, Alonso pasou a segundo na grella despois de que Hamilton fora excluído da clasificación. Pola contra, o brasileiro Felipe Massa clasificou 16º. Na carreira Alonso logrou unha boa saída e lideraba logo da segunda curva, pero unha variedade de factores, entre eles o tráfico e a acelerada degradación dos pneumáticos fixo que finalmente terminara segundo detrás de Maldonado, por menos de catro segundos. Massa terminou a carreira 15º. En Mónaco, entraron os dous coches na Q3 por primeira vez durante todo a tempada, con Alonso sexto, 0´6 segundos por detrás do gañador da pole Michael Schumacher, con Massa a menos de 0´2 segundos por detrás de Alonso no sétimo lugar, con todo, Alonso subiu ao quinto lugar logo da penalización de Schumacher de 5 postos na grella. Na carreira, ambos os coches mostraron un bo ritmo, con Alonso con ritmo para loitar polo liderado e Massa buscando un ritmo similar a Alonso. Alonso terminou en 3º lugar, 0´947 segundos por detrás do gañador da carreira Mark Webber e Massa sexto, a menos de 6´2 segundos detrás do gañador da carreira Webber. As posicións do campionato logo desta carreira demostran que Ferrari está no cuarto lugar detrás de Lotus, e Alonso recuperou o liderado do campionato, 3 puntos por diante dos dous pilotos de Red Bull e 10 puntos por diante de Lewis Hamilton cuarto.
Resultados completos na Fórmula Un editar
(Chave) As carreiras en letra grosa indican pole position; as carreiras en cursiva indican volta rápida.
| Ano | Equipo | Motor | Pneu. | Pilotos | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | Puntos | Pos. |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 2012 | Scuderia Ferrari | Ferrari Type 056 | P | AUS | MAL | CHN | BHR | ESP | MON | CAN | EUR | RU | ALE | HUN | BEL | ITA | SIN | XPN | COR | IND | ABU | USA | BRA | 400 | 2º | |
| Fernando Alonso | 5 | 1 | 9 | 7 | 2 | 3 | 5 | 1 | 2 | 1 | 5 | Ret | 3 | 3 | Ret | 3 | 2 | 2 | 3 | 2 | ||||||
| Felipe Massa | Ret | 15 | 13 | 9 | 15 | 6 | 10 | 16 | 4 | 12 | 9 | 5 | 4 | 8 | 2 | 4 | 6 | 7 | 4 | 3 |
* Tempada en curso.
Notas editar
- ↑ Noble, Jonathan (25 January 2012). "Pirelli tweaks tyre markings for 2012 F1 season". Autosport.com (Haymarket Publications). Consultado o 29 January 2012.
- ↑ "Ferrari launches its 2012 F1 car". Autosport.com (Haymarket Publications). 3 February 2012. Consultado o 3 February 2012.
- ↑ "Ferrari needs 'a lot more work'". Sky Sports (BSkyB). 8 February 2012. Arquivado dende o orixinal o 10 de febreiro de 2012. Consultado o 9 February 2012.
- ↑ Jonathan Noble (23 January 2012). "Reactive ride banned because FIA believed it gave an aerodynamic benefit". Autosport.com (Haymarket). Consultado o 9 February 2012.
- ↑ Andrew Benson (21 February 2012). "FIA ban new technical innovation developed by Lotus and Ferrari". BBC Sport (The BBC). Consultado o 9 February 2012.
- ↑ Noble, Jonathan (21 March 2012). "Felipe Massa gets new Ferrari chassis for Malaysian Grand Prix". Autosport (Haymarket Publications). Consultado o 21 March 2012.
Véxase tamén editar
Wikimedia Commons ten máis contidos multimedia na categoría: Ferrari F-2012  |