Fernando López Mantiñán
Fernando López Mantiñán, nado en Rutis (Culleredo) o 13 de febreiro de 1909 e finado na Coruña o 17 de febreiro de 1978,[1] foi un carpinteiro e sindicalista galego.
Biografía | |
---|---|
Nacemento | 13 de febreiro de 1909 Rutis, España |
Morte | 17 de febreiro de 1978 (69 anos) A Coruña, España |
Datos persoais | |
País de nacionalidade | España |
Actividade | |
Ocupación | carpinteiro , sindicalista |
Traxectoria editar
Carpinteiro. Afiliado á CNT. Co golpe de Estado do 18 de xullo de 1936 foi detido. Posto en liberdade pouco despois, foi detido novamente en marzo de 1937 no intento de fuxida do Portiño no Monte de San Pedro.[2][3][4] Xulgado en consello de guerra na Coruña o 5 de xuño,[5] foi condenado a cadea perpetua. Concedéronlle a prisión atenuada en xuño de 1940. Militou na clandestinidade na CNT, formou con Juan García Durán e Félix Álvarez Arganzúa o primeiro comité clandestino da CNT da Coruña do que foi secretario. Logo foi nomeado tesoureiro do primeiro comité rexional galego da CNT. Foi reclamado polo Xulgado Militar da Coruña en novembro de 1945,[6] e polo Xulgado Militar de Vigo en xullo de 1947.[7] Logrou escapar da onda de detencións e marchou a Cádiz, onde embarcou para Tánxer. Nos primeiros anos cincuenta estaba no Senegal e cara a 1953 emigrou a Australia, instalándose en Camberra e deixando a militancia na CNT. Retornado a Galicia en 1969, foi arrestado en Tui, pero foi liberado ao pouco tempo.
Vida persoal editar
Casou con Felicidad Monroy Ramos e foi pai de Fernando e Ricardo López Monroy.
Notas editar
- ↑ Necrolóxica en La Voz de Galicia, 18-2-1978, p. 16.
- ↑ "Se ahogan en San Pedro varios marxistas", Hoja Oficial del Lunes, 8-3-1937, p. 6.
- ↑ El Ideal Gallego, 9-3-1937, p. 4.
- ↑ El Correo Gallego, 9-3-1937, p. 2.
- ↑ El Ideal Gallego, 6-6-1937, p. 2.
- ↑ BOP A Coruña, 28-11-1945 p. 4.
- ↑ La Voz de Galicia, 10-8-1947, p. 2.
Véxase tamén editar
Bibliografía editar
- A fuxida do Portiño. Historia, memoria e vítimas. Vigo: A Nosa Terra. 2009. ISBN 978-84-8341-306-7.
- Fernández, Eliseo; Pereira, Dionisio (2004). O anarquismo na Galiza. Santiago de Compostela: Positivas. ISBN 84-87783-79-1.
Ligazóns externas editar
- Apuntes para unha enciclopedia histórica do anarquismo galego (L)
- Ficha no Repertorio biobibliográfico do exilio galego Arquivado 23 de setembro de 2015 en Wayback Machine.
- Ficha en Los de la sierra Arquivado 27 de xuño de 2021 en Wayback Machine. (en francés)
- Fernando López Mantiñán na páxina web Nomes e Voces.