Estación de Olite

Olite / Erriberri
Situación	Olite (Navarra)
Servizos
Liñas
Media distancia	Rexional Exprés

A estación de Olite-Erriberri é unha estación de tren de Adif situada no municipio español de Olite, en Navarra. Dispón unicamente de servizos de Media Distancia operados por Renfe.

Situación ferroviaria

A estación atópase no punto quilométrico 133,4 da liña de ferrocarril que une Castejón con Altsasu, as dúas localidades en Navarra, a 385 metros de altitude.^[1]

Historia

A estación foi aberta ao tráfico o 15 de setembro de 1860 coa apertura do tramo Caparroso-Pamplona da liña férrea que pretendía unir Zaragoza con Navarra por parte da Compañía do Ferrocarril de Zaragoza a Pamplona.^[2] Esta última non tardaría en unirse coa compañía do ferrocarril de Zaragoza a Barcelona dando lugar á compañía dos Ferrocarrís de Zaragoza a Pamplona e Barcelona.^[3] O 1 de abril de 1878 a súa mala situación económica forzouna a aceptar unha fusión con Norte.^[3] En 1941, a nacionalización do ferrocarril en España supuxo a integración de Norte na recentemente creada Renfe. Desde o 31 de decembro de 2004 Renfe explota a liña mentres que Adif é a titular das instalacións ferroviarias.

A estación

Sitúase ao leste do núcleo urbano. O edificio para viaxeiros nunha ampla estrutura realizada con ladrillo de base rectangular, dúas alturas e tellado en pico de varias vertentes. Os seus vans, sete portas e sete xanelas en ambas as fachadas están decorados con arcos de medio punto. Ten dúas plataformas, unha lateral e outra central á que acceden dúas vías. No exterior existe un aparcadoiro habilitado.

Servizos ferroviarios

Media Distancia


Liña MD	Trens	Orixe/Destino		Destino/Orixe
26	Rexional	Zaragoza-Delicias		Pamplona-Iruña
26	Rexional	Castejón de Ebro		Vitoria-Gasteiz

Notas

↑ "Rede ferroviaria española" (PDF). Ministerio de Fomento. Arquivado dende o orixinal (PDF) o 23 de setembro de 2010. Consultado o 10 de maio de 2013.
↑ Memoria de FZP páxina 3, froito da Xunta Xeral de Accionistas celebrada o 8 de xuño de 1861.
↑ ^3,0 ^3,1 Zaragoza á Pamplona y Alsasua spanishrailway

Véxase tamén

Ligazóns externas

Información na páxina de Adif

[1] "Rede ferroviaria española" (PDF). Ministerio de Fomento. Arquivado dende o orixinal (PDF) o 23 de setembro de 2010. Consultado o 10 de maio de 2013.

[2] Memoria de FZP páxina 3, froito da Xunta Xeral de Accionistas celebrada o 8 de xuño de 1861.

[B-3] 3,0 ^3,1 Zaragoza á Pamplona y Alsasua spanishrailway

[1]

[2]

[3]