Estación de Figueres-Vilafant

Estación de Figueres-Vilafant;
Tipo	estación de ferrocarril, edificio e estación en superficie
Uso(s)	en funcionamento
Instalacións
Localización
	42°15′56″N 2°56′32″L / 42.26556, 2.94222
Estado	España
Comunidade autónoma	Cataluña
Ámbito funcional territorial	Comarques Gironines
Comarca	Alt Empordà
Concello	Figueres
Datas
Fundación	2010
Inauguración	19 de decembro de 2010
Transporte
Código de estación ferroviaria	04307
Liña de tren	Liña de alta velocidade Madrid-Zaragoza-Barcelona-Fronteira francesa e Liña de alta velocidade Figueres-Perpiñán
Servizo de conexión	Alta Velocidade Española, Avant, Euromed, TGV, Elipsos (en) e Renfe Avlo
Alta velocidade	AVE, Avant, TGV
Outros transportes
Persoas e organizacións
Propietario	Adif
Operador	Red Nacional de los Ferrocarriles Españoles
	[ Wikidata ]

Figueres-Vilafant é unha estación de ferrocarril de alta velocidade de Adif situada preto da cidade de Figueres, no concello de Vilafant, na provincia de Xirona (Cataluña, España).

Exerce funcións de estación fronteiriza para os tráficos de alta velocidade entre Francia e España, sendo o punto de conexión entre as liñas Madrid-Barcelona-Figueres (pertencente á rede española) e Figueres-Perpiñán (tramo de conexión internacional entre as redes francesa e española).

Descrición

Francia e España acordaron que a conexión entre as redes de alta velocidade francesa e española realizásese a través dun tramo de concesión privada. O tramo conectaría coa rede española en Figueres e coa rede francesa en Perpiñán. A concesión foi adxudicada a TP Ferro, que inaugurou o 19 de decembro de 2010 a liña, denominada liña de alta velocidade Figueres-Perpiñán.

O proxecto desta liña incluía a construción da estación de Figueres-Vilafant como estación fronteiriza ao lado español, polo que foi inaugurada co resto da liña. Pola súa banda sur a liña de alta velocidade ata a fronteira non estaba terminada, polo que se deu continuidade pola rede convencional española mediante vía de largo mixto ata Barcelona.

A liña de alta velocidade Madrid-Zaragoza-Barcelona-Fronteira francesa foi finalizada en xaneiro de 2013 completando a conexión da estación. Aínda que existen proxectos para adoptar o sistema ERMTS como sistema único, existen diferenzas de sinalización e sistemas de seguridade entre as redes francesa e española, polo que a estación é utilizada como punto de transbordo entre trens que non poden utilizar a rede do outro país.

Servizos

Media Distancia

Tren	Orixe/destino	Paradas intermedias	Características
Avant	Barcelona-Sants	Xirona	1 tren diario por sentido

Longa Distancia

Tren	Orixe/destino	Paradas intermedias	Características
AVE	Madrid-Atocha	Xirona · Barcelona-Sants · Camp de Tarragona · Lleida-Pirineus · Zaragoza-Delicias · Calatayud · Guadalaxara-Yebes	8 trens diarios por sentido
TGV	París-Lyon	Perpiñán · Narbona · Montpellier-Saint Roch · Nimes	2 trens diarios por sentido Enlace a Barcelona

Véxase tamén

Estación de Figueres