Figueres
Coordenadas: 42°16′2″N 02°57′45″L / 42.26722, -2.96250
Figueres é un concello e cidade do nordés de Cataluña, capital da comarca do Alt Empordà, na provincia de Xirona. En 2018 vivían no seu concello 46.381 habitantes.
| Figueres | |||
|---|---|---|---|
| |||
 | |||
| Centro de Figueres. | |||
| Localización | |||
  Figueres  Figueres | |||
| País |  España | ||
| Comunidade autónoma |  Cataluña | ||
| Provincia | Xirona | ||
| Comarca | Alt Empordà | ||
| Xeografía | |||
| Altitude | 40 msnm | ||
| Superficie | 19,31 km² | ||
| Demografía | |||
| Poboación | 46.381 hab. (2018) | ||
| Densidade | 2.380,17 hab./km² | ||
| Xentilicio | Figuerenc/a | ||
| Outros datos | |||
| Código postal | 17600 | ||
| Alcalde | Santi Vila (CiU) | ||
| www.figueres.cat | |||
XeografíaEditar
Está situada a 39 m sobre o nivel do mar, na chaira altempordanesa, nas proximidades dos Pireneos e da fronteira con Francia. A 36 km da capital provincial, Xirona; a 136 de Barcelona e a 65 de Perpiñán, en Francia.
Historia breveEditar
O nome actual deriva do latín ficarias "figueiras", que era indicado como Ficaris no latín deturpado da Alta Idade Media. O conde de Empúries, Hugo IV, incendiou a vila, e anos máis tarde o rei Xaime I de Aragón, concedeulle unha carta foral en 1267. Dada a súa proximidade á fronteira francesa a vila foi fortificada, xogando un importante papel como praza forte durante a Idade Moderna e nos anos iniciais do século XIX. De feito o castelo de Sant Ferran foi mandado construír polo rei Filipe V, que encargou as trazas ao célebre enxeñeiro francés Vauban.
Arte e arquitecturaEditar
Da antiga muralla apenas fica a torre Gorgot, integrada hoxe no Teatro-Museo Dalí. Deben salientarse ademais os monumentos seguintes:
- O castelo de Sant Ferran (castelo de san Fernando).
- A igrexa de Sant Pere (igrexa de san Pedro).
- O Teatro-Museo Dalí.
- O Museu del Joguet de Cataluña (museo dos xoguetes), que como o seu nome indica está dedicado a xoguetes.
Tradicións e culturaEditar
Figueres está considerado como o berce da sardana. As festas de Figueres son as da Santa Cruz, celebradas cada 3 de maio. O 29 de xuño celebra a festa do patrón, san Pedro.