Sardana
A sardana é unha danza bailada en grupo e en círculo, coñecida por ser o xénero de danza nacional catalán.
Características editar
Os participantes cóllense das mans por parellas, entendendo como parella un home que colle coa man dereita a unha muller, que resulta por tanto nun patrón alterno de home-muller-home-muller. Polo que se refire á lonxitude dunha sardana, hai sardanas de 7 e de 10 "tirades", que teñen unhas estruturas definidas de pasos "curts" (curtos) e "llargs" (longos).
Unha variedade menos usual é a sardana revessa, unha sardana onde é moi difícil atopar a tiraxe (número de compases que ten a música) polo que un membro do grupo se encarga de calculalo a partir de distintos motivos musicais e as súas diferenzas. Parte do éxito da sardana como danza social radica no seu carácter de danza aberta que admite un número altamente variábel de parellas e que, polo menos a nivel público, non require especiais condicións físicas para a súa práctica, aínda que non é así cando se trata do "Bàsic d'Honra", a competición de sardanas nacional de Cataluña.
Véxase tamén editar
Wikimedia Commons ten máis contidos multimedia na categoría: Sardana  |
Outros artigos editar
Ligazóns externas editar
- Federació Sardanista de Catalunya Arquivado 23 de xaneiro de 2007 en Wayback Machine. (en catalán)