Programa das Nacións Unidas para o Desenvolvemento
O Programa das Nacións Unidas para o Desenvolvemento (PNUD), creouse mediante a fusión do Programa Ampliado de Asistencia Técnica das Nacións Unidas, creado en 1949, e o Fondo Especial da Organización das Nacións Unidas, estabelecido en 1958. O PNUD, tal como se coñece no presente, foi creado en 1965 pola Asemblea Xeral das Nacións Unidas. Pertence ó sistema de Nacións Unidas, e a súa función é contribuír á mellora da calidade de vida das nacións. Dende 1990, o PNUD publica o informe sobre desenvolvemento humano ou Índice de desenvolvemento humano (IDH). O PNUD promove o cambio e conecta os coñecementos, a experiencia e os recursos necesarios para axudar ós pobos a forxar unha vida mellor. Está presente en 178 países.
| Programa das Nacións Unidas para o Desenvolvemento | |
|---|---|
 | |
| Acrónimo | UNDP e PNUD |
| Tipo | organização estabelecida pelas Nações Unidas e organización internacional |
| Data de fundación | 1965 |
| Organización matriz | Asemblea Xeral das Nacións Unidas |
| Organización subsidiaria | Global Policy Centre on Resilient Ecosystems and Desertification |
| Sede | Nova York |
| Na rede | |
| https://www.undp.org/ | |
      | |
| [ editar datos en Wikidata ] | |
Áreas de traballo editar
A súa meta é axudar ós países a elaborar e compartir solucións que permitan responder os retos que expoñen: gobernabilidade democrática, redución da pobreza, prevención e recuperación das crises, enerxía e medio ambiente, tecnoloxía da información e as comunicacións e o VIH-SIDA. Igualmente, estabelecéronse metas claras para reducir as doenzas, o analfabetismo e a discriminación contra a muller.
O PNUD é unha rede internacional da ONU en desenvolvemento económico.