Illas Ashmore e Cartier
As illas Ashmore e Cartier[1] son un territorio dependente[2] de Australia (Territory of Ashmore and Cartier Islands), formado por dous grupos de pequenas illas tropicais deshabitadas, localizadas no océano Índico, a 320 km ao noroeste de Australia e a 170 km ao sur da illa indonesia de Roti[3]. O grupo fórmano o arrefice de Ashmore (formado polos illotes de West, Middle e East) e a illa de Cartier, que forman parte do Territorio do Norte australiano.
| Illas Ashmore e Cartier | |
|---|---|
.jpg) | |
 | |
| Situación | |
| País |  Australia |
| Mar | Océano Índico |
| Coordenadas | 12°15′30″S 123°02′30″L / -12.25833, -123.04167Coordenadas: 12°15′30″S 123°02′30″L / -12.25833, -123.04167 |
| Xeografía | |
| Superficie | 199´45 km² |
| Demografía | |
| Poboación | Deshabitadas |
Xeografía editar
O territorio inclúe 155´4 km² do Arrecife Ashmore (incluíndo os illotes West ou occidental, Middle ou central e East ou oriental, e dúas lagoas dentro do arrecife) e 44 km² do Arrecife Cartier (incluíndo a Illa Cartier) [Cómpre referencia] Teñen un total de 74´1 km de costa, medida ao longo do bordo exterior do arrecife. Non hai ancoradoiros ou portos, soamente ancoraxe en mar a fóra.
Os illotes de West, Middle e East teñen respectivamente unha superficie de 54 ha, 93 ha e 112 ha (1 hectárea son 0´01 km²).[4][5][6] Cartier Island é unha illa de area sen vexetación, cunha superficie de 0,4 ha.[5]
Ashmore Reef é chamado Pulau Pasir polos indonesios. Na lingua da illa Roti, chámase Nusa Solokaek. Ambos nomes teñen o significado de "Illa de area".[7]
Preto está o arrecife Hibernia, 42 km ao nordeste do arrecife Ashmore, pero non forma parte do territorio, senón que pertence a Australia Occidental[8] Non ten unha zona permanentemente de terra firme, aínda que gran parte dos arrecifes poden verse durante a marea baixa.
Goberno editar
O territorio adminístrase desde Canberra polo Departamento de Infraestrutura e Desenvolvemento Rexional, que tamén é responsable da administración dos territorios da Illa de Nadal, Cocos (Keeling), Illas do Mar do Coral, Territorio da Baía Jervis e Illa Norfolk.[9] A defensa das Illas Ashmore e Cartier é responsabilidade de Australia, con visitas periódicas da Royal Australian Navy, Royal Australian Air Force e Australian Customs and Border Protection Service. O buque ACV Ashmore Guardian atópase estacionado máis ou menos permanentemente no arrecife. As illas tamén son visitados por coidadores temporais e investigadores científicos ocasionais.
O 21 de outubro de 2002, a reserva natural foi recoñecida como unha zona húmida de importancia internacional cando foi designado Sitio Ramsar 1220 baixo o Convención de Ramsar sobre as zonas húmidas.[10]
Debido á súa proximidade a Indonesia, a zona foi un caladoiro tradicional dos pescadores de Indonesia durante séculos, algúns grupos de Indonesia afirman que o arrecife de Ashmore forma parte de Rote Ndao Regency na provincia de East Nusa Tenggara. Con todo, o goberno de Indonesia non parece discutir activamente a posesión do territorio con Australia. a soberanía de Australia está apoiada polo feito de que o territorio non foi administrado por Holanda (antiga potencia colonial de Indonesia), senón polos británicos antes de que fora cedido a Australia.
Un memorando de entendemento entre os gobernos de Australia e de Indonesia permite aos pescadores indonesios acceso aos seus caladoiros tradicionais dentro da rexión sen ningún tipo de trámites de visado formais, con suxeición aos límites.
Notas editar
- ↑ The Central Intelligence Agency (2010). The World Factbook. Potomac Books, Inc. p. 39. ISBN 978-1-59797-541-4.
- ↑ "10: External territories". Legal Risk in International Transactions (ALRC Report 80). Australian Law Reform Commission (ALRC), Australian Government. 2006. ISBN 0642254877. Arquivado dende o orixinal o 16 de abril de 2014. Consultado o 2014-04-14.
- ↑ "Ashmore and Cartier Islands". Territories of Australia. Department of the Infrastructure and Regional Development, Australian Government. 2014-01-29. Consultado o 2014-04-14.
- ↑ Carter, Mike; Clarke, Rohan; Pierce, Frank; Dooley, Sean; Swann, George; Grant, Murray (2010). "Lesser Coucal 'Centropus bengalensis' on Ashmore Reef: First Record for Australia". Australian Field Ornithology 27 (3). ISSN 1448-0107.
Within the reef are three small islands: West, Middle and east Islands (total land area 54 ha). The largest and most heavily vegetated is West Island...
- ↑ 5,0 5,1 Taylor & Francis Group (2004). The Europa World Year Book 2004 (45th ed.). Europa Publications, Taylor & Francis Group. p. 611. ISBN 978-1-85743-254-1.
- ↑ "Ashmore Reef National Nature Reserve and Cartier Island Marine Reserve". Marine Protected Areas. Department of Sustainability, Environment, Water, Population and Communities, Australian Government. Arquivado dende o orixinal o 2011-07-09.
- ↑ "A STUDY OF SOCIO-ECONOMIC ISSUES FACING TRADITIONAL INDONESIAN FISHERS WHO ACCESS THE MOU BOX" (PDF). Arquivado dende o orixinal (PDF) o 27 de agosto de 2006. Consultado o 19 de agosto de 2015.
- ↑ States of Australia Retrieved 2011-06-23
- ↑ Assistant Director, Territories and Disaster Reconstruction Division (16 de xuño de 2012). "Territories of Australia". Department of Regional Australia, Local Government, Arts and Sport. Arquivado dende o orixinal o 11 de febreiro de 2011. Consultado o 7 de febreiro de 2008.
- ↑ Annotated Ramsar List.