Alcuíno de York
Flaccus Albinus Alcuin, nado circa 735 e finado en 804, ou Alcuíno de York, foi un monxe inglés e conselleiro de Carlomagno. Dedicouse durante moito tempo ao ensino e á escrita na escola de York, en Inglaterra, foi o principal conselleiro de Carlomagno en asuntos eclesiásticos e educativos e durante os últimos anos da súa vida foi abade do mosteiro de San Martiño de Tours.
  | |
| Nome orixinal | (ang) Ealhwine (ang) Alhwin (la) Alcuinus (la) Albinus |
|---|---|
| Biografía | |
| Nacemento | c. 740 York |
| Morte | 19 de maio de 804 (63/64 anos) Tours |
| Lugar de sepultura | Abbaye de Marmoutier (en)  47°23′35″N 0°40′58″L / 47.393061, 0.682781 |
| Abade Abbaye de Marmoutier (en) | |
| 796 – 19 de maio de 804 – Fridugisus (en) → | |
| Abbot of Flavigny Abbey (en) | |
| 796 – 803 | |
| Datos persoais | |
| País de nacionalidade | Reino de Northumbria |
| Relixión | Igrexa católica |
| Educación | St Peter's School (pt) |
| Actividade | |
| Ocupación | teólogo , escritor , sacerdote , poeta , filósofo |
| Profesores | Egberto de York (pt) e Etelberto de York (pt) |
| Alumnos | Haimo de Halberstadt (pt) e Hilduin de Saint-Denis (pt) |
| Lingua | Latín medieval, inglés antigo e lingua latina |
| Orde relixiosa | Orde de San Bieito |
| Enaltecemento | |
| Día de festividade relixiosa | 20 de maio |
| Patrocinador | Carlomagno |
| Obra | |
Obras destacables
| |
   | |
Traxectoria editar
Recibiu a súa educación na escola catedralicia de York co seu mestre Ethelberto de York, a quen acompañou a Roma na procura de manuscritos. Cando Ethelberto foi designado arcebispo de York, en 766, Alcuíno ocupou o seu lugar á cabeza da escola episcopal. Volveu outra volta a Roma en 780 para recoller o palio do arcebispo Eanbaldo I de York e en Parma coñeceu a Carlomagno, quen o convenceu para que o acompañase á súa corte e o puxo á fronte das abadías de Ferrieres e Saint-Loup, en Troyes.
Entre 782 e 790, Alcuíno tutelou ao rei dos francos, a súa familia, os xoves que foran enviados á corte para seren educados e os clérigos novos vinculados coa capela do palacio. Fundou así o Palacio-escola (Aula Palatina) de Aix-la-Chapelle, no cal se ensinaban as sete artes liberais: o trivium (gramática, lóxica e retórica) e o quadrivium (aritmética, xeometría, astronomía, e música). En 790, Alcuin retornou a Inglaterra, pero volveu ao lado de Carlomagno cando este lle pediu axuda na loita contra a herexía adopcionista, que se estendía entón polo norte da Península Ibérica. No Concilio de Francfurt, en 794, Alcuíno defendeu a ortodoxia e obtivo a condena do herexe Félix de Urgell. Volveu para a súa terra, pero abandonouna definitivamente debido aos disturbios que se estaban a producir e que conduciron á morte do rei Aethelred.
Alcuíno pasou os seus últimos anos na abadía de San Martiño de Tours. Converteu a escola abacial nun modelo de excelencia e a ela acudiron moitos estudantes. Mandou copiar numerosos manuscritos e transmitiulles aos francos o coñecemento da cultura latina que se conservara nas Illas Británicas.
Alcuíno escribiu moitas cartas, sobre todo a Arno, bispo de Salzburgo e a Carlomagno. Consérvanse 311, que mostran as súas meditacións pías, fornecen abondosa información sobre as condicións literarias e sociais da época e constitúen a autoridade máis fiábel para a historia do humanismo na época carolinxia. Cultivou tamén a poesía: epístilos no estilo de Fortunato, poemas longos e unha historia en verso da igrexa de York, Versus de patribus, regibus et sanctis Eboracensis ecclesiae. Débenselle tamén manuais educativos: unha gramática e obras de retórica e dialéctica escritas en forma de diálogo (nas dúas últimas entre Carlomagno e o propio Alcuíno). Escribiu así mesmo varios tratados teolóxicos, como De fide Trinitates, comentarios sobre a Biblia etc.
Obras editar
- De grammatica.
- De orthographia.
- De dialectica.
- De animae ratione.
- De trinitate.
- Diálogo sobre a retórica e as virtudes.
- De Villis. (?).
Festa editar
Véxase tamén editar
Ligazóns externas editar
- Obras de Alcuíno (en latín)