Encarna Otero Cepeda

Encarna Otero Cepeda, nada en Santiago de Compostela o 29 de xullo de 1950, é unha historiadora, mestra e política nacionalista galega.

Encarna Otero Cepeda

Encarna Otero nunha entrevista en 2017.
Biografía
Nacemento	29 de xullo de 1950 (73 anos) Santiago de Compostela, España
Datos persoais
País de nacionalidade	España
Educación	Universidade de Tolosa-Jean Jaurès
Actividade
Ocupación	escritora, mestra e política
Partido político	Bloque Nacionalista Galego
Lingua	Lingua castelá e lingua galega

Traxectoria

Entre 1971 e 1976 residiu na cidade francesa de Tolosa, licenciándose en 1975 en Historia na Universidade de Tolosa-Le Mirail.

Desde o ano 1970 milita activamente no nacionalismo. Durante a súa etapa en Francia participou no movemento antifranquista e coñeceu directamente a realidade do exilio. Desde 1982 formou parte do Consello Nacional do BNG. Desde o ano 1999 até o 2003 foi Primeira Tenente de Alcalde e Concelleira-Delegada de Rehabilitación do Centro histórico, de relacións co Consorcio e de Muller en Santiago. Foi directora xeral de Fomento e Calidade da Vivenda no goberno galego.

Ten colaborado e colabora en diferentes publicacións galegas como A Nosa Terra, O Ensino, Andaina, ou Festa da Palabra Silenciada, con diversos artigos sobre a muller na historia. É asemade autora de varios estudos académicos.

No ano 2010 volveu ás aulas do IES Eduardo Pondal de Santiago a impartir clases.

Obras

Ensaio

• Anacos de esperanza, 2003, Ediciós do Castro.
• Mulleres en Compostela. Elas Tamén contaron, 2022, El Patito Editorial.

Literatura infanto-xuvenil

• O branco país sen neve, 2008, Galaxia.
• A serea do mundo, 2008, Galaxia.

Obras colectivas

• A ollada exterior do nacionalismo galego, 2011, Fundación Galiza Sempre.

Véxase tamén

Bibliografía

• Dicionario biográfico de Galicia. Ir Indo Edicións. 2010-2011. 
• Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. ISBN 84-8064-113-4.