Eduardo Rosón López
Eduardo Rosón López, nado en Cervantes en novembro de 1880 e finado en 1975, foi un avogado e político galego.
  | |
| Biografía | |
|---|---|
| Nacemento | novembro de 1880 Cervantes, España |
| Morte | 1975 (94/95 anos) |
| Gobernador civil da provincia de Ourense | |
| 1921 – | |
 Alcalde de Lugo | |
 Gobernador civil da provincia de León | |
| | |
| Datos persoais | |
| País de nacionalidade | España |
| Actividade | |
| Ocupación | avogado , político |
| Lingua | Lingua castelá |
| Familia | |
| Irmáns | Eulogio Rosón López |
Traxectoria editar
Fillo de Pascual Rosón Quindós que foi alcalde e xuíz municipal de Cervantes. Estudou Dereito na Universidade de Santiago de Compostela licenciándose en 1901.[1] Colaborou en El Correo de Lugo, El Norte de Galicia, La Idea Moderna e El Áncora.[2] Exerceu a avogacía en Becerreá, onde foi secretario do concello. Membro do Partido Conservador, foi elixido deputado provincial polo distrito da Fonsagrada-Becerreá en 1905,[3] e volveu ser elixido polo distrito de Sarria-Chantada en 1911,[4] repetindo polo mesmo distrito polo artigo 29 en 1915.[5] Instalou despacho de avogado en Lugo en 1918.[6] Foi gobernador civil de León (1919),[7] Ourense (1921-1922), Burgos e Oviedo (1930). Presidiu a Federación Católica Agraria de Lugo a principios dos anos vinte. Na ditadura de Primo de Rivera foi nomeado concelleiro de Lugo en xaneiro de 1925, e elixido alcalde o 13 de xaneiro.[8] Foi vicepresidente do Comité Provincial da Unión Patriótica. Permaneceu na alcaldía até que foi destituído a finais de marzo de 1927.[9] Foi iniciativa súa a celebración en Lugo do Congreso de Economía Gallega os días 7 e 8 de outubro do 1925. Foi decano do Colexio de Avogados de Lugo dende 1947.[10]
Escribiu artigos dedicados á agricultura e varios folletos, entre eles El ferrocarril de Ribadeo a El Bierzo (1928).
| Predecesor: Ramón Saavedra Salgado |
 Alcalde de Lugo 1925 - 1927 |
Sucesor: Ángel López Pérez |
Recoñecementos editar
Cruz distinguida de San Raimundo de Peñafort en 1968.[11]
Vida persoal editar
Casou en Vilafranca do Bierzo con Lucía Espinosa de la Iglesia o 30 de maio de 1917.[12] Foi tío de Antonio, Eduardo e Juan José Rosón Pérez.
Notas editar
- ↑ El Norte de Galicia, 27-6-1901, p. 2.
- ↑ El Correo de Lugo, 1-10-1900, p. 3.
- ↑ El Norte de Galicia, 17-3-1905, p. 2.
- ↑ El Miño, 19-3-1911, p. 2.
- ↑ La Voz de la Verdad, 8-3-1915, p. 1.
- ↑ La Voz de la Verdad, 12-4-1918, p. 2.
- ↑ La Idea Moderna, 28-7-1919, p. 2.
- ↑ El Ideal Gallego, 14-1-1925, p. 4.
- ↑ El Regional, 29-4-1927, p. 2.
- ↑ El Progreso, 28-3-1947, p. 3.
- ↑ El Progreso, 24-7-1968, p. 3.
- ↑ La Voz de la Verdad, 2-6-1917, p. 2.