División de Honra B de Rugby
A División de Honra B é a segunda división do rugby español, organizada pola Federación Española de Rugby. A competición conta con 36 equipos divididos en tres grupos xeográficos de 12 equipos cada un para facilitar o desprazamento dos equipos. O grupo A aglutina aos equipos do norte de España, o grupo B aos equipos da costa mediterránea e o grupo C aos equipos do sur e de Madrid.
| Tipo | competición de rugby a 15  |
|---|---|
| Organizador | Federación Española de Rugby |
| Liga superior | División de Honra de Rugby |
| Liga inferior | Primeira División Nacional de Rugby |
| Localización e Datas | |
| País | España |
| Outro | |
| Páxina web oficial | ferugby.es… |
Sistema de competición
editarA División de Honra B naceu na tempada 1998-1999, ocupando o segundo nivel do sistema de ligas nacionais de rugby que até entón lle pertencía á Primeira Nacional. Dende entón pasou por varios formatos e sistemas de competición.
O vixente sistema de competición consiste nunha liga regular de 22 xornadas na que os 12 equipos de cada grupo xogan entre si dúas veces, unha como anfitrións e outra como visitantes. Trala fase de liga regular, os oito mellores equipos da categoría pasan a disputar a fase de ascenso á División de Honra A, que consiste en eliminatorias directas con encontros de ida e volta (cuartos de final, semifinais e final). Os oito equipos son os dous primeiros de cada grupo máis os dous mellores terceiros (por puntos).
O gañador da final é o único equipo que acada o ascenso directo, mentres que o outro equipo finalista aínda ten a oportunidade de ascender nunha eliminatoria de promoción na que se enfronta ó penúltimo equipo da máxima categoría.
Sistema de puntuación
editar- Cada vitoria suma 4 puntos.
- Cada empate suma 2 puntos.
- Catro ensais nun partido suman 1 punto de bonus.
- Perder por unha diferenza de sete puntos ou inferior suma 1 punto de bonus.