Demetrio García Álvarez
Demetrio García Álvarez, coñecido como Pedro, nado nas Chás (Oímbra) o 16 de maio de 1912 e finado en Francia, foi un guerrilleiro antifranquista galego.
| Biografía | |
|---|---|
| Nacemento | 16 de maio de 1912  (111 anos)As Chás, España |
| Morte | Francia |
| Datos persoais | |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
Traxectoria editar
Fillo de Primitivo García Justo. Logo dunha pelexa cun veciño na que usou o seu revolver en maio de 1935,[1] foi condenado polo Xulgado de Verín. Ingresou no Forte de San Cristovo de Pamplona o 13 de xullo de 1936.[2] Estivo preso no Forte San Cristovo ata que a Xunta de goberno da Audiencia de Ourense propuxo o seu licenciamento para o 14 de abril de 1937.[3] Fuxido no monte dende 1937, foi o líder do grupo guerrilleiro que actuaba na raia galaico portuguesa pola zona de Verín e Chaves en 1945. Ao ano seguinte integrouse na II Agrupación do Exército Guerrilleiro de Galicia grazas ao labor de Samuel Mayo Méndez. No grupo integrouse Juan Salgado Riveiro. O grupo foi acusado da morte do xefe de Falanxe de Vilaza, Antonio Aguirre Padrón.
O 9 de decembro de 1946 dirixiu o asalto ao autobús de liña da empresa Perille que facía a ruta Ourense-Verín nas Estibadas, na chamada curva de Atás.[4] Refuxiado en Cambedo con outros compañeiros, foi ferido na batalla de Cambedo o 21 de decembro de 1946. Detido xunto co seu cuñado Manuel Bárcia, ingresou na prisión de Porto o 23 de decembro. Foi xulgado polo Tribunal Territorial de Porto e condenado a 19 anos de prisión. Foi enviado ao campo de concentración de Tarrafal (Cabo Verde) en xuño de 1948. Rematou de cumprir a pena no cárcere de Lisboa de onde foi liberado o 19 de febreiro de 1965. Exiliado en Francia, instalouse en París e despois en Bordeos, e non retornou a Galicia.
Notas editar
- ↑ El Pueblo Gallego, 3-5-1935, p. 15.
- ↑ "Listado y datos de los presos que estuvieron internados en el Fuerte de San Cristobal entre 1934 y 1945".
- ↑ Hoja Oficial del Lunes, 5-4-1937, p. 2.
- ↑ Martínez Cerredelo, E. (15 de febreiro de 2014). "Historia e memoria. Acción guerrilleira nas Estivadas (1946). A curva do atraco.". Dende A Limia. Arquivado dende o orixinal o 23 de novembro de 2019. Consultado o 18 de setembro de 2020.
Véxase tamén editar
Bibliografía editar
- Godinho, Paula (2017). "Liminarités, fissures et réécritures Un événement à la frontière entre le nord du Portugal et la Galice". Cahiers de civilisation espagnole contemporaine (18).
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. pp. 70–71. ISBN 84-8485-231-8.