Daniel Pino Vicente
Daniel Pino Vicente, nado en Forcadela (Tomiño) o 6 de maio de 1943, é un sociólogo, urbanista e escritor galego.
| Biografía | |
|---|---|
| Nacemento | 6 de maio de 1943  (80 anos)Forcadela, España |
| Datos persoais | |
| País de nacionalidade | España |
| Actividade | |
| Ocupación | sociólogo , escritor |
| Lingua | Lingua galega |
| Familia | |
| Pai | Francisco Pino Carrera |
 | |
Traxectoria editar
Fillo de Francisco Pino Carrera. Licenciado en Ciencias Políticas e Económicas, cando era estudante en Madrid foi detido pola policía por propaganda ilegal en abril de 1965[1] e pasou un tempo en prisión. Residente en Vilaxoán, fundou a empresa Consultora Galega, exerceu a secretaría técnica do Colexio Oficial de Arquitectos de Galicia e foi director do Instituto Galego de Vivenda e Solo durante o goberno bipartito. Foi profesor da ENAP nos Cursos de Técnico Superior de Urbanismo e do máster de Restauración Arquitectónica da Escola Técnica Superior de Arquitectura da Coruña.
É autor e coautor de numerosos libros, artigos, informes técnicos e traballos de investigación no seu campo: a ordenación territorial, o urbanismo, o transporte, a vivenda, o medio ambiente e disciplinas afíns.[2]
Obras editar
- Vixía os sables ao chegar febreiro (1995). Laiovento. 263 páxs. ISBN 978-84-87847-53-6. Narrativa.
- Arredor do lume (1998). Laiovento. 146 páxs. ISBN 9788489896284. Relatos.
- No leme das lembranzas (2001). Ed. Litoral das Rías. ISBN 84-932093-0-9. Poesía.
- As casualidades necesarias (2021). Ed. Autografía. 372 páxs. ISBN 9788419042217. Publicado co pseudónimo de Amelia Xesteira da Cova.[3][4] Novela.
Obras colectivas editar
- A Galicia urbana (2015). Xerais. Coord.
Recoñecementos editar
- Premio Nacional de Urbanismo polo Plan Especial de Protección do Pazo de Hueca e a súa contorna, 1981.
- Premio Galicia de Deseño polo Plan Xeral de Ordenación de Vilagarcía, 1985.
- Premio Europeo de Urbanismo pola Ordenación e Recuperacións Integrais do Conxunto Histórico de Allariz e o seu río, 1994.
- Tomiñes distinguido, 2016.
Notas editar
- ↑ La Voz de Galicia, 29-4-1965, p. 10.
- ↑ "Daniel Pino. Editorial Xerais". www.xerais.gal. Consultado o 2022-02-01.
- ↑ "As casualidades necesarias". LibrosCC. Consultado o 2022-02-01.
- ↑ "Pseudónimos galegos en ogalego.eu: p". www.ogalego.eu. Consultado o 2022-02-01.