Curro, Barro

Para outras páxinas con títulos homónimos véxase: Curro.

Santa María de Curro é unha parroquia que se localiza no sur do concello de Barro. Segundo o INE de 2016 tiña 777 habitantes (400 mulleres e 377 homes), 32 máis ca en 2004. Ten cinco entidades de poboación.

Curro
Igrexa parroquial.
Concello	Barro
Provincia	Pontevedra
Coordenadas	42°30′35″N 8°40′30″O
Poboación	751 hab. (2021)
Entidades de poboación	5
[ editar datos en Wikidata ]

Historia

En outubro de 2009 levouse a cabo por parte de voluntarios da Asociación pola Recuperación da Memoria Histórica a escavación dunha foxa, no adro da igrexa parroquial, onde se soterrou ao xornalista de 19 anos Ramón Barreiro Rodríguez, veciño de Barro, e ao electricista de 27 anos Castor Cordal Garrido, veciño de Cambados e afiliado á CNT. Foron fusilados na madrugada do 15 de setembro de 1936 preto da estrada a Pontevedra, e soterrados á noitiña.

Patrimonio

Do baldaquino de Santa María de Curro consérvanse tres pezas incrustadas nas paredes das escaleiras de subida ó adro da igrexa de Santa María de Curro.

Galería de imaxes

• 
  Escavación dunha foxa no adro da igrexa.
• 
  Casa de Porto.
• 
  Forno en desuso.
• 
  Unha das pezas do baldaquino

Lugares e parroquias

Lugares de Curro

Lugares da parroquia de Curro no concello de Barro (Pontevedra)
Bretoña | Couso | Currás | Fonte do Curro | Outeda

Véxase tamén

Outros artigos

• Lugares de Barro