Baldaquino de Santa María de Curro

Na igrexa de Santa María de Curro (Barro) consérvanse tres pezas dun baldaquino incrustadas nas paredes das escaleiras de subida ó adro da igrexa. Esta é de comezos do século XVI e os tres linteis semellan proceder dun antigo baldaquino sobre o altar maior, acaroado ó muro da igrexa.

Baldaquino de Santa María de Curro
Tipo	baldaquino
Localización
42°30′34″N 8°40′30″O
Estado	España
Comunidade autónoma	Galicia
Provincia	provincia de Pontevedra
Concello	Barro
Parroquia	Curro
[ Wikidata ]

Escenas

As escenas representadas son as seguintes:

• A anunciación da Virxe, representada á esquerda, lendo un libro colocado sobre un atril. Fronte a ela, un vaso con azucenas ou lirios. Á dereita, un anxo sostén unha cinta ou pergamiño escrito. Era a peza da esquerda no baldaquino orixinal e atópase no muro dereito das escaleiras.
• A Virxe das Angustias co Cristo morto no colo. A ámbolos lados, dúas figuras que poden corresponder a Xosé de Arimatea, a Nicodemo ou a san Xoán, suxeitando o sudario. Nesta peza falta totalmente o arco inferior. Era a peza dereita e tamén está no muro da dereita.
• San Pedro, sostendo as chaves do ceo, á dereita; e Santiago, cunha cartela nas mans, á esquerda. Esta sería a peza frontal e atópase no muro esquerdo das escaleiras.

• 
  Anunciación da Virxe
• 
  Virxe das Angustias

Véxase tamén

Bibliografía

• Filgueira Valverde, Xosé; Ramón Fernández-Oxea, Xosé (1987). Baldaquinos gallegos. A Coruña: Fundación Pedro Barrié de la Maza. p. 74.