Pedro Incio

Benvido(a) á Galipedia, Pedro Incio! Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc.
Primeiros pasos Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros, citar as fontes e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Onde atopar axuda Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.		Recomendacións Na túa páxina de usuario podes pór caixas informativas coas linguas que coñeces, segundo se explica na páxina Babel, para que outros saiban en que linguas se poden comunicar contigo ou coas que podes axudar. Para responder a unha mensaxe dun usuario tes que facelo na súa páxina de conversa, se non, non lle sairá o aviso de que ten mensaxes novas e é moi posíbel que non se decate da túa resposta. Por favor, engade sempre a túa sinatura nas páxinas de conversa escribindo ~~~~.   Se o desexas, podes axudarte do revisor ortográfico, activándoo en: Preferencias → Trebellos → Navegación → Ortografía: Activar o revisor ortográfico. Cometiches un erro? Queres avisar dun erro que cometiches e que non sabes como solucionar? Deixa unha mensaxe na páxina de conversa dese artigo, comunícao na Taberna ou coméntallo a outro usuario. Todos cometemos erros, é normal, e sempre estamos dispostos a axudar a quen comeza.

Boa estadía e bo traballo. --Chairego apc (conversa) 3 de xullo de 2017 ás 12:54 (UTC)

Biblioteca Universitaria da Coruña

Ola, Pedro! Grazas por te creares unha conta de usuario na Galipedia, o que facilita a comunicación.

O borrado ao que te refires tivo lugar na Wikipedia en lingua castelá. A web da Universidade da Coruña permite copiar a información sen citar a fonte, polo que o borrado foi incorrecto. Deberiades poñervos en contacto coa persoa que eliminou o artigo (es:Usuario:Sabbut) e explicarllo.

De todos xeitos, non é correcto que editedes sobre a biblioteca universitaria. Recoméndovos botarlle un ollo a Wikipedia:Conflito de intereses. Non se considera apropiado editar sobre artigos relacionados co ámbito profesional ou vital (editar sobre o centro de traballo, o artigo sobre un familiar...). Se é que a Biblioteca Universitaria da UdC merece un artigo de seu, ha telo nalgún máis cedo ou máis tarde, perdede medo. Pero enténdese que hai conflito de intereses, pois a visión que se dá pode ser sesgada ou interesada (a muller do César, amais de ser honrada debe parecelo).

Agardo que o comprendades, e convídovos a seguir editando noutros artigos que sexan do voso interese. Para calquera asunto, non dubidedes en me escribir na miña páxina de conversa.

Un saúdo! --Estevo(aei)^{pa o que queiras...} 26 de outubro de 2017 ás 10:41 (UTC)