Cipriano Alvite Alonso
Cipriano Alvite Alonso, nado en Porto do Son cara a 1907 e finado na Coruña o 9 de agosto de 1936, foi un carpinteiro e sindicalista galego.
| Biografía | |
|---|---|
| Nacemento | c. 1907  Porto do Son, España |
| Morte | 9 de agosto de 1936 (28/29 anos) A Coruña, España |
| Causa da morte | pena de morte, ferida por arma de fogo |
| Datos persoais | |
| País de nacionalidade | España |
| Actividade | |
| Ocupación | carpinteiro , sindicalista |
| Membro de | |
| Lingua | Lingua galega |
 | |
Traxectoria
editarCarpinteiro. Socio do Centro de Estudios Sociales Germinal. Secretario do Sindicato Único da Construción da CNT. Foi delegado do Comité da Federación Local Obreira da CNT. Representou o Sindicato da Construción da Coruña no Congreso da CNT en Zaragoza en maio de 1936.
Co golpe de Estado do 18 de xullo de 1936 foi detido canda outros dirixentes sindicais pola continuación da folga xeral. Aparece como un dos asinantes dun panfleto falso difundido polas autoridades desconvocando a folga xeral.[1] Acusado dos delitos de desobediencia e incumprimento dos bandos de guerra, foi executado no Campo da Rata da Coruña o 9 de agosto canda Jaime Rodríguez García, Francisco Ballón Pequeño, Venancio Seoane García, Julio Sabio Sanmartín e José Quintas Pena.[2]
Notas
editar- ↑ El Pueblo Gallego, 5-8-1936, p. 5.
- ↑ El Eco de Santiago, 11-8-1936, p. 2.
Véxase tamén
editarBibliografía
editar- A represión franquista na comarca da Coruña. Vidas na memoria. A Coruña: Laiovento. 2011. p. 37. ISBN 978-84-8487-288-7.
- Fernández, Eliseo; Pereira, Dionisio (2006). O movemento libertario en Galiza (1936-1976). Vigo: A Nosa Terra. ISBN 84-8341-059-1.