Cangues, O Irixo

Cangues
	Igrexa de Santo Estevo de Cangues
Concello	O Irixo
Provincia	Ourense
Coordenadas	42°28′25″N 8°05′21″O / 42.47352438, -8.08912279
Poboación	29 hab. (2017)
Entidades de poboación	2
	[ editar datos en Wikidata ]

Santo Estevo de Cangues é unha parroquia do concello do Irixo na comarca do Carballiño, na provincia de Ourense. No ano 2007 tiña 38 habitantes, deles 14 eran homes e 24 eran mulleres, o que supón un incremento de 1 habitante en relación ao ano anterior, 2006.

Patrimonio

A igrexa parroquial foi construída sobre o templo orixinal románico, iniciándose as obras en 1725. Ten unha soa nave, cuberta a dúas augas con artesoados de madeira. A capela maior ten tamén artesoado en madeira. A sancristía está cara ao sur do altar. Na tribuna, construída en 1730, hai unha espadana adornada con cruz e pináculos laterais. En 1735 construíuse unha porta lateral. O teito da nave foi reconstruído en 1784.

Do edificio románico consérvase o arco de medio punto de acceso á capela maior, con columnas e capiteis decorados con follas e unha caveira no capitel do lado norte; varios canzorros laterais ó exterior; unha ventá seteira na ábsida, actualmente tapiada, e unha imaxe en pedra de Santo André situada na espadana.

O altar maior é barroco, construído canda o novo templo, con imaxes de Santo Estevo, San Bieito e Santo Antón. Hai no templo unha imaxe da Inmaculada de finais do século XVI ou comezos do XVII, e outra de Santa Bárbara do século XVII. Consérvase un cáliz doado en 1887 por José López Rodrígue.

A carón da igrexa está a casa reitoral, actualmente en ruínas. Preto dela hai tamén un cruceiro.

A comezos do século XIX había no lugar de Couso unha ermida baixo a advocación de Santo Antón, propiedade de María Ventura Taboada.

Galería de imaxes

Artigo principal: Galería de imaxes de Cangues, O Irixo.

Igrexa de Santo Estevo de Cangues
Pía da igrexa de Santo Estevo de Cangues

Lugares e parroquias

Lugares de Cangues

Lugares da parroquia de Cangues no concello do Irixo (Ourense)
Cangues \| O Casar

Parroquias do Irixo

Galicia \| Provincia de Ourense \| Parroquias do Irixo
Campo (Santa María) \| Cangues (Santo Estevo) \| A Cidá (Santa Mariña) \| Corneda (Santiago) \| Dadín (San Pedro) \| Espiñeira (San Pedro) \| Froufe (San Xoán) \| Loureiro (Santa Mariña) \| Parada de Labiote (San Xulián) \| Reádigos (Santa Baia) \| O Regueiro (San Pedro) \| San Cosmede de Cusanca (San Cosmede)

Notas

↑ ^1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.

Véxase tamén

Outros artigos

Lugares do Irixo

[nomenclátor-1] 1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.

[1]

Cangues
Igrexa de Santo Estevo de Cangues
Concello	O Irixo^[1]
Provincia	Ourense
Coordenadas	42°28′25″N 8°05′21″O / 42.47352438, -8.08912279
Poboación	29 hab. (2017)
Entidades de poboación	2^[1]
[ editar datos en Wikidata ]