Campionato Portugués de Rugby 2020-2021

A tempada 2020-2021 do Campionato Nacional é a edición número 63 da máxima competición de clubs do rugby en Portugal. O torneo comezou o 25 de setembro de 2020 e conta con 12 equipos participantes.

Campionato Portugués de Rugby
RexiónPortugal Portugal
Equipos12
OrganizadorFPR
Sitio webwww.fpr.pt/

Formato do torneoEditar

Na tempada 2019/2020 non foi posible rematar a competición de liga, de xeito que a FPR decidiu que o título de campión quedase vacante e que non houbesen ascensos nin descensos. Non obstante o Rugby Clube da Lousã anunciou que renunciaba á súa praza na máxima categoría, praza que a FPR lle ofreceu ó Clube de Rugby São Miguel, que aceptou.

Unha das decisións tomadas pola FPR trala súa reunión cos 12 clubs participantes na máxima categoría foi modificar a fase inicial do campionato agrupando ós equipos por rexións para evitar grandes desplazamentos e reducir o risco de contaminación vírica entre cidades. O novo formato adaptado á pandemia contou cunha primeira fase de seis xornadas na que os 12 equipos estaban distribuídos en catro grupos.

Primeira FaseEditar

A primeira fase ou fase de apuramento comezou o 26 de setembro e rematou o 8 de novembro, constando de 4 xornadas e 24 encontros (6 por grupo).

Play off

Tralo remate desta primeira fase os catro equipos que quedaron clasificados na segunda posición disputaron dous encontros eliminatorios para determinar os dous equipos que disputarían o título e os dous equipos que disputarían a permanencia:

  • CDUL 36-18 Cascais
  • Agronomia 33-17 Academica

Segunda FaseEditar

A segunda fase ou fase final comezou o 6 de marzo e rematou o 16 de maio, constando de 10 xornadas e 60 encontros (30 por grupo).

Grupo polo título
Pos. Equipo Ptos X G E P
1º. Direito 36 10 8 0 2
2º. Tecnico 34 10 8 0 2
3º. Belenenses 33 10 7 0 3
4º. CDUL 19 10 4 0 6
5º. Agronomia 19 10 3 0 7
6º. CDUP 1 10 0 0 10
Grupo pola permanencia
Pos. Equipo Ptos X G E P
1º. Cascais 40 9 8 1 0
2º. Academica 36 10 8 1 1
3º. Benfica 24 10 5 0 5
4º. São Miguel 20 10 4 0 6
5º. Montemor 15 10 3 0 7
6º. CRAV 2 9 0 0 9

Play OffEditar

Nas semifinais enfrontáronse 1º vs 4º e 2º vs 3º en eliminatorias a partido único no campo do equipo mellor clasificado, e os gañadores disputaron a final nun campo neutral.

Semifinais
(1º) Direito 28-9 CDUL (4º)
(2º) Técnico 13-9 Belenenses (3º)
Final
(1º) Direito 11 - 15 Tecnico (2º) 29 de maio de 2021 – Estadio Nacional do Jamor, Oeiras

 

O Tecnico acadou o seu terceiro campionato de liga tralos acadados en 1981 e 1998.

Descenso e promociónEditar

O CR Arcos Valdevez perdeu a categoría como consecuencia do seu último posto na clasificación. A súa praza foi recollida polo CR Évora que gañou a final da segunda división por 19-15 fronte ó RC Santarém. Deste xeito, os dous equipos que disputaron a promoción foron o RC Montemor como penúltimo clasificado da máxima categoría e o RC Santarém como subcampión da segunda división. O encontro único foi disputado o 19 de xuño e o resultado foi:

  • RC Montemor 23-20 RC Santarém

Véxase taménEditar

Ligazóns externasEditar

Outros artigosEditar