Campeonato Português de Rugby

(Redirección desde «Campionato portugués de rugby»)

O Campionato Portugués de Rugby é a liga de rugby de Portugal. A Divisão de Honra, chamada Campeonato Super Bock por razóns de patrocinio, é a máxima categoría sénior masculina. O torneo naceu na tempada 1958/59, e na actualidade conta con 8 equipos. O club máis laureado é o CDUL, que gañou 20 títulos. O vixente campión é o Tecnico.

Campionato Nacional de Rugby
RexiónPortugal Portugal
Equipos12
OrganizadorFPR
Sitio webwww.fpr.pt/

Historia editar

A fundación da Federación Portuguesa de Rugby (FPR), o 23 de setembro de 1957, e a toma de posesión dos Corpos Sociais da Federación polo seu socio fundador, a Asociación de Rugby de Lisboa (ARL), terminando deste xeito a súa actividade en xullo de 1958, levaron a que a primeira edición do campionato portugués de rugby, chamado Campeonato de Portugal se realizase na tempada 1958-59; o campión foi o CF Os Belenenses. Nesa época, nove equipos sénior loitaran polo título, sendo catro universitarios e todos da rexión de Lisboa, coa excepción da Académica de Coimbra. Foi tamén nesa tempada na que tivo lugar a primeira edición da Copa de Portugal.

Novas categorías
Categorías Idades Ano de creación
Júniores dos 17 aos 19 anos 1963
Xuvenís dos 15 aos 16 anos 1964
Iniciados dos 13 aos 14 anos 1969
Infantís dos 11 aos 12 anos 1973
Benxamíns dos 8 aos 10 anos 1988

Nas décadas dos anos '60 e '70, viviuse un gran crecemento na práctica do rugby en Portugal; os clubs universitarios eran cada vez máis, e a implantación do rugby cara ao Norte e cara ao Sur de Lisboa foron determinantes. Despois de 1974, coa Revolución dos caraveis, á par doutras modalidades deportivas, o rugby ten un gran crecemento debido á creación de categorías inferiores, que posibilitaron a práctica deste deporte por parte dos máis xoves. En 1965, produciuse a primeira edición da Copa Ibérica que puña fronte a fronte aos campións e subcampións de Portugal e España.

Con todo, este crecemento coincidiu cun período, entre 1974 e 1979, no que os séniores deixaran de competir internacionalmente, atrasando o nivel competitivo da modalidade no país luso. A aposta nas seleccións nacionais dos máis xoves, e o contacto con equipos semellantes do estranxeiro, formaran unha vasta gama de bos xogadores, que nas décadas de 1980 e 1990 contribuísen para unha mellora da calidade do rugby portugués.

A partir de 1990 o rugby entrou nunha fase menos boa da súa evolución en Portugal; os impulsos na modalidade, nos anos 70 polo Estado, e despois, nos anos '80, polas asociacións de rugby nacionais, deixaran de ser tan abundantes. O reducido número de practicantes (eran 2008 en 1995, dos cales un terzo eran séniores) atrasou moito o desenvolvemento. A pesar das dificultades, nese ano a creación do rugby feminino e unha posible profesionalización da modalidade, veñen darlle un novo alento ao rugby portugués.

Palmarés editar

Até a tempada 2004/05 o campión da liga era o primeiro clasificado na táboa. Dende que na tempada 2005/06 se instalou o sistema de eliminatorias polo campionato unha vez rematada a fase de liga regular (play-off) tan so dúas veces acadou o título o primeiro clasificado na táboa:

Pos. 2006 2007 2008 2009 2010 2011 2012 2013 2014 2015 2016 2017 2018 2019
Belenenses Agronomia Agronomia Agronomia Agronomia CDUL CDUL CDUL Direito CDUL CDUL Agronomia Agronomia Belenenses
Direito Direito CDUL Direito Direito Direito Agronomia Belenenses CDUL Direito Direito Direito Belenenses Agronomia
Agronomia CDUP Belenenses Belenenses Belenenses Agronomia Direito Direito Tecnico Tecnico Cascais CDUL Cascais Tecnico
Benfica CDUL Benfica CDUL CDUL Belenenses Academica Agronomia Agronomia Cascais Tecnico Belenenses Direito CDUL
CDUP Benfica Direito Benfica Academica Academica Belenenses CDUP Belenenses Agronomia Agronomia Cascais CDUL Direito
Tecnico Belenenses CDUP CDUP Benfica Benfica CDUP Academica Academica Belenenses Belenenses Tecnico Academica CDUP
CDUL Tecnico Cascais Tecnico Tecnico Tecnico Benfica Tecnico Cascais CDUP CDUP Academica CDUP Cascais
Academica Cascais Academica Cascais CDUP CRAV Tecnico Cascais CDUP Academica Academica CDUP Tecnico Academica
- - - - - - - CRAV CRAV CRAV Lousa Montemor Montemor -
10º - - - - - - - Benfica Montemor Montemor CRAV Lousa Benfica -
11º - - - - - - - - - - - - Lousa -
12º - - - - - - - - - - - - Evora -

Campións editar

Dende a creación da liga portuguesa de rugby só 8 equipos acadaron o título de campións.

Títulos por club
Títulos Club Campionatos
20   CDUL 1964, 1965, 1966, 1967, 1968, 1969, 1971, 1972, 1974, 1978
1980, 1982, 1983, 1984, 1985, 1989, 1990, 2012, 2014, 2017
11   Direito 1999, 2000, 2002, 2005, 2006, 2009, 2010, 2011, 2013, 2015
2016
9   Benfica 1960, 1961, 1962, 1970, 1976, 1986, 1988, 1991, 2001
7   Belenenses 1959, 1963, 1973, 1975, 2003, 2008, 2018
6   Cascais 1987, 1992, 1993, 1994, 1995, 1996
4   Académica 1977, 1979, 1997, 2004
3   Tecnico 1981, 1998, 2021
2   Agronomia 2007, 2019
Campionato de Lisboa

A liga portuguesa naceu como sucesora da liga de Lisboa, que se viña disputando dende 1926.

A sección de rugby do "Atletico Futebol Clube" muda o seu nome a "Associação dos Estudantes de Agronomia" de xeito que é o mesmo equipo con dous nomes diferentes.

Tempada actual editar

O formato de competición consiste nunha liga regular de oito equipos, xogando cada un dos equipos contra todos os demais, a dúas voltas, totalizándose catorce xornadas. Cando remate a liga regular os dous primeiros equipos da táboa disputarán a final do campionato, e o derradeiro clasificado descenderá de categoría.

Pos. Equipo Puntos X G E P P+ P- BO BD
1º. FINALISTA   Belenenses 50 14 11 1 2 420 287 3 1
2º. FINALISTA   Agronomia 46 14 10 0 4 368 264 5 1
3º. PERMANENCIA   Técnico 45 14 9 0 5 419 245 6 3
4º. PERMANENCIA   CDUL 30 14 7 0 7 308 335 1 1
5º. PERMANENCIA   Direito 30 14 6 0 8 327 308 1 5
6º. PERMANENCIA   CDUP 24 14 5 1 8 267 388 1 1
7º. PERMANENCIA   Cascais 21 14 4 0 10 345 408 2 3
8º. DESCENSO   Academica 14 14 3 0 11 231 450 0 2
  • Táboa actualizada o 19/05/2019. Fonte
  • O Académica de Coimbra rematou na última posición polo que perdeu a súa praza na máxima categoría.
  • O RC Montemor acadou o ascenso directo á máxima categoría batendo ó SL Benfica na final da segunda división por 17-11.
Final

O Agronomia acadou o seu segundo campionato de liga batendo na final ó Belenenses por 10-18 na final disputada no campo do GD Direito.

Belenenses   10 - 18   Agronomia 18 de maio de 2019 – Monsanto, Lisboa

 

Véxase tamén editar

Ligazóns externas editar

Outros artigos editar