Club Deportivo Arquitectura
O Club Deportivo Arquitectura é un equipo madrileño de rugby, 9 veces campión da Liga Española de rugby e 6 veces gañador da Copa de España, fundado no ano 1970, e que durante a tempada 2010-2011 xogou en División de Honra B. O club é coñecido como La Escuela, e as cores do equipo son o branco e o vermello.
| Nome | Club Deportivo Arquitectura | ||
|---|---|---|---|
| Alcume(s) | La Escuela | ||
| Fundación | 1970 | ||
| Sede | Madrid, España  | ||
| Estadio(s) | Campo de rugby Las Leonas, (Madrid) | ||
| Presidente | Javier Olaciregui | ||
| Adestrador | Juan Pablo Tomás Manuel Olivares | ||
| Liga(s) | División de Honra B | ||
| 2023-24 | 5º (Gr-C) | ||
| |||
| Na rede | |||
| http://www.arquitectura-rugby.org | |||
Historia
editarAs orixes do club remóntanse á década dos anos 30, na Escola Superior de Arquitectura de Madrid. En 1931 xurdiu o primeiro equipo de rugby dos alumnos desta facultade, que se proclamou campión universitario naquel mesmo ano. Ata a fundación do club, foron 19 os títulos universitarios acadados polo equipo da Facultade de Arquitectura. 1963 foi o primeiro ano no cal o equipo se federou, nunha progresión de crecemento que levou á fundación do actual Club Deportivo Arquitectura en 1970.
Na tempada 1971/72, o equipo logrou o ascenso para competir na División de Honra, da cal non descendería ata a tempada 1997/98, acadando polo camiño 9 títulos de liga, nos anos 1974, 1975, 1977, 1981, 1982, 1986, 1988, 1990 e 1995. Tamén foi subcampión 4 veces, nos anos 1973, 1976, 1978 e 1987. Ningún outro equipo en España ten mais títulos de liga que o CD Arquitectura.
Tralo descenso, CD Arquitectura volveu a xogar na máxima categoría durante as tempadas 1999/2000 e 2004/2005, quedando na última posición ámbalas dúas veces, co resultado do descenso a División de Honra B.
En total o CD Arquitectura disputou 29 tempadas na División de Honra do rugby español, dato no cal só é superado por UE Santboiana con 42 e por CRC Madrid con 31.
Na tempada 2010-11 o equipo rematou a tempada 7º na clasificación final do Grupo 2 da División de Honra B polo que tivo que defender a súa praza na categoría nunha eliminatoria fronte a un equipo da Primeira Nacional, o Eibar RT, sendo o resultado final a prol do CD Arquitectura, que na tempada 2011-12 competirá de novo na División de Honra B.
Palmarés
editar- Posicións do Club Deportivo Arquitectura en competicións nacionais dende a súa fundación
| Categoría | 2012 | 11 | 10 | 09 | 08 | 07 | 06 | 05 | 04 | 03 | 02 | 01 | 00 | 99 | 98 | 97 | 96 | 95 | 94 | 93 | 92 | 91 | 90 | 89 | 88 | 87 | 86 | 85 | 84 | 83 | 82 | 81 | 80 | 79 | 78 | 77 | 76 | 75 | 74 | 73 | 72 | 71 |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Div.Honra | 10 | 10 | 11 | 3 | 6 | 1 | 5 | 6 | 4 | 4 | 1 | 3 | 1 | 2 | 1 | 3 | 7 | 4 | 1 | 1 | x | x | 2 | 1 | 2 | 1 | 1 | 2 | 6 | |||||||||||||
| Div.HonraB | 7 | 7 | 8 | 2 | 5 | 6 | 7 | 1 | ||||||||||||||||||||||||||||||||||
| 1ªNacional | 1 | 6 | 2 | 2 | ||||||||||||||||||||||||||||||||||||||
| Copa | 2 | 1 | 1 | 1 | 2 | 1 | 1 | 2 | 1 | 2 |
A Primeira Nacional existe dende a tempada 1972-1973. A División de Honra B existe dende a tempada 1998-99. Antes de crearse a División de Honra B, a Primeira Nacional era a 2ª División do rugby español.
- Tempadas completadas na División de Honra
- Con 51 tempadas: UE Santboiana
- Con 37 tempadas: CR Cisneros
- Con 36 tempadas: CR El Salvador e CRC Pozuelo
- Con 34 tempadas: Getxo RT
- Con 32 tempadas: VRAC
- Con 29 tempadas: CD Arquitectura e CR Ciencias
- Con 23 tempadas: FC Barcelona
- Con 22 tempadas: RC Valencia
- Outros.